جەرجیس فەتحوڵڵا ل ساڵا 1922 ل باژێڕێ #موسڵ#ێ و ل خێزانەکە ئاشوری یا کریستیان ژ دایک بوویە.
ل ساڵا 1943 باوەڕنامەیا پارێزەری بدەست خوەڤە ئیناندییە.
وەکە تەڤایا لاوێن وی سەردەمەی دبیتە چەپگەر و مارکسی، پشتی جێ بیرکرنا خوە دبیتە ئەندامێ حزبا شیوعی و حزبا گەل، خوەدیێ چەندین گوتارانە کو ل ڕوژنامە و گوڤارێن وی سەردەمەی دهاتنە چاپ کرن و دیفڕە دبیتە دیروک نڤیسەکێ ژێهاتی و بەرنیاس. ل ساڵا 1958 ل حزبا شیوعی ڕە جودا دبیت و دبیتە ئەندامێ #پارتی دیموکراتی کوردستان#.
ساڵا 1968 ژئالێ حزبا بەعس یا ژناڤچوویێ دهێتە دەستەسەر کرن و فەرمانا کوشتنێ ژبو وی دەردکەن. لێ بەلێ فەرمانەکە ناهێتە جیبەجی کرن و ژبو ماوێ پێنج ساڵان دناڤا زینداێن ڕژێما بەعس دە یێ دەستەسەر کرییە، پشتڕە دکەڤیتە بەر لێبورینا گشتی و ل ساڵا 1968 ێ دە دهێتە ئازاد کرن.
هەر لوان ساڵاندە ئەڤان دوو پەرتووکان، کو لسەر کورد هاتینە نڤیساندن ژبو سەر زمانی عەڕەبی وەردگێڕیت (مهد البشرية) و (رحلة الی رجال الشجعان). هەروەسا ئەو ب خوەژی پەرتووکا سەردانێک بۆ ڕابردووی نزیک لسەر کورد و دۆزا کوردی دوان هەیامێن بوهری دە دنڤیسێت .
ل ساڵا 1970 دە پشکداریێ د کۆنگرەیا هەشتەم یا پارتیا دەموکراتا کوردستانێ دە دکەتن، ئێکەک ژوان کەسان دبیت کو مژیویلی ئامادە کرن و نڤیسینا ڕەشنڤیسا یاسایا مافێ سەربخویی و ئۆتۆنۆمیێ دبیت کو دبەنە بەردەستێ حکومەتا بەعس یا وی سەردەمەی.
پشتی تێکچوونا شوڕەشا ئەیلولێ، جەرجیس فەتحوڵڵایێ نڤیسەر وەکە تەڤایا ئەندامێن پارتیا دەموکراتا کوردستانێ بەرێ خوە دکەتە وڵاتێ ئیرانێ و پشتڕە وەکە پەنابەر دچیتە وڵاتێ سوید و لوێرێ زانین و نڤیسینا وی دێ بەرەڤ پێشچوونەکە زور بخوەڤە دبینیت.
ساڵا 2000 پشتی چەند ساڵان ژ غەریبیێ سەردانا کوردستانێ دکەت. ل ڕوژا #23-07-2006# ل کوردستانا باشور ب نەخۆەشیا دلی، گیانێ خوە ژدەست دا و ل ناحیا (عەینکاوە) یا سەر ب باژێڕێ #هەڤلێر#ێ هاتە بخاک سپاردن . [1]