هونەرمەند و مۆسیقاژەنێ کورد، محەممەد عەلی شاکر، ساڵا 1946 ل باژێڕێ دربێسی ل ڕۆژئاڤایێ کوردستانێ ژدایک بوویە. پشتی وەرگرتنا باوەڕنامەیا ئامادەیێ دگەل مالباتا خوە دچیتە #سەرێکانی# و لوێرێ ئاکنجی دبن. پشتی دەمەکی دبیتە ئەستێرەکا هونەری و هیمایەکێ هونەری یێ بەرنیاس ل سەرتاسەرێ ڕوژئاڤایێ کوردستانێ.
ساڵا 1963، ژیانا هونەرییا وی دەست پێدکەت. دەمێ کوو ماموستایەکێ عەرەب ل گوند، ئامیرەکێ عوودێ بو کڕی، دگەل برایێ خوە (مەحموود عەزیز شاکر) ئێکەم ستران بناڤێ زەینەبێ گوت و ل ساڵا 1968دا هونەرمەند یووسف بەرازی (بێ بوهار) ئەو ستران ژبو دەستکاری و سەرڕاست کر.
هونەرمەندێ مەزن ل تەڤایا ژیانا خوەدە، 300 ستران ل هۆزان و ئاوازێن خوە هەنە. هەروەسا ل 48 هوزان و ئاوازاندە ل هەلبەستێن، #جەگەرخوێن#، تیرێژ، بێ بوهار و دەهام عەبدولفەتاح مفا وەرگرتینە. هەروەسا گەلەک ل هونەرمەندان ل سترانێن وی گوتینە، وەکە مەحموود عەزیزێ برایێ وی، #محەممەد شێخۆ#، مستەفا خالید، شەهریبان کوردی، #گولستان پەروەر#، جەمیلە مستەفا و زۆی و زور کەسێن دن.
سترانێن وی لسەر بابەتێن، جڤاکیی، نەتەوی، وڵاتپارێزی و مرۆڤایەتی و ب تایبەت لسەر ژن، خۆشەویستی، نشتیمان و شەهیدان و هەندەک باژێڕ کو ل دلێ ویدە ئازیزن وەکە #قامیشلۆ#، #عەفرین#، #کۆبانی#، سەرێکانی، #ئامەد# و #هەڤلێر# ساز کرینە. ئەو هەرچەندە ئاوازدانەر بوویە، لێ چەندین سترانێن بناڤبانگ هەنە کو مولکێ وینە، وەکە: ئەز دل کەتم وان چاڤان، ڕێویۆ، گەورێ، یارا زۆر جوانە، بەر دلێ من پر شێرینە، لۆلۆ لاوکۆ، عەید و عەرفات، ئەز کەچکەک کوردی مە و هتد.
ژبەر کوو کەسەکێ بەرهەمدار و داهێنەر بوویە، مەحموود شاکری برایێ وی مفایەکە زور ل پاڵپشتیا وی وەرگرتییە و کاری ل بن سەرپەرشتییا وی و ب دەنگێ خوە بگەهیتە زەرەک ل کۆمەڵگەهێن دەرڤەی سووریا و ڕوژئاڤایێ کوردستان و هەردووک کارین قوتابخانەیەکە هونەری بنیات بنێن. ل ژیانا خوە وەکە هونەرمەند و هوزانڤانێن دن یێن کورد، ڕیبڕی سەختی و ئاریشەیێن ڕێژیما سووریا بووینە. سەرباری هەمی سەختییان، پەرتوکەک ب ناڤێ 60 ئاواز و ئاوازبەندەک چاپ کرینە.
هونەرمەندێ محەممەد عەلی شاکر، #24-01-2020#، ب ئەگەرا نەخوەشیا کۆرۆنا ل نەخوشخانەیا قامیشلۆ وەغەرا داویێ کر و ل باژێڕێ #عاموودا# هات بخاک سپاردن. [1]