ناڤ: حسێن
ناڤێ بابی: مەلا قادر
ساڵا ژدایکبوونێ: 1946
جهێ ژدایکبوونێ: #پێنجوێن#
$ژیاننامە$
حسێن مەلا قادر فەرەج پێنجوێنی، ساڵا (1946) ل گوندێ شیوەگوێزان یێ سەر ب ناحیا #گەرمک# سەر ب باژێڕوکێ #پێنجوێن# ژدایک بوویە، قویناغا سەرەتایی ل قوتابخانەیا پێنجوێن تمام کرییە کو وی سەردەمەی ڕێڤەبەرێ وێ ماموستا (حەسەن ڕەشید یارە) بوو ڕێڤەبەرەکێ زور چالاک بوو، ژبو درێژەدان ب خوەندنا قویناغا ناڤەندی هاتییە #هەڵەبجە#، لبەرکوو ل پێنجوێنێ قویناغا ناڤەندی نەبوو، ل بەشا ناڤخویی مایەڤە کو لوان سێ ساڵان ژیانەکە پڕ ل نەخۆشیان بریە سەر و شەڕێ دناڤبەرا شیوعیان و پارتیان ل دوویێ ناڤەندی ل قوتابخانێ ڕیدا کو پتر ل (60) قوتابی ل هەردوولا زامداربوون.
دەستپێکرنا حوکمێ بەعسیان وێرانکاری ل کوردستانێ بدیف خوەدە ئینا، ماموستا حسێن ل ساڵا خوەندنا (1962-1963) ژبەر ئاوارەیی و نەخوەشیا ژیانێ واز ل خوەندنێ ئینایە، ساڵا خوەندنا (1963-1964) تاقیکرنێن دەرەکی ئەنجامداینە و دەرچوویە.
قویناغا ئامادەیی چوویە #سلێمانی# و ل دواناوەندی (وەتەن) خوەندنا خوە تمام کرییە، پشتڕە ساڵا (1967-1968) ل خانەیا ماموستایان یا سلێمانی هاتییە وەرگرتن، ل ساڵا (1969) ب پلەیا زور باشە تمام کرییە. ساڵا (1970) دەمێ بەیاننامەیا (11)ێ ئازارێ وەکە ماموستا دەست بکار بوویە ل گوندێ بلکیان سەر ب پێنجوێن، ساڵا (1980) هاتییە ڤەگوهاستن ژبو ناوشاخان بو ماوێ ساڵەکێ، پشتڕە ژبو قوتابخانەیا (سەرۆک) ل کومەڵگەها زۆرەملێ یا شانەدەری، ساڵا (1983-1984) هاتییە ڤەگوهاستن ژبو قوتابخانەیا (چرۆ) ل سلێمانی، ساڵا (1987-1988) هاتییە ڤەگوهاستن ژبو قوتابخانەیا (موفتی) ل کومەڵگەها (نەسر)، پشتڕە ساڵا (1988-1989) ژبو قوتابخانەیا (هەڵۆ) هەر ل کومەڵگەها (نەسر)، ساڵا (1994-1995) هاتییە ڤەگوهاستن ژبو قوتابخانەیا (بێکەس) ل سلێمانی کو پشترە ناڤێ وێ هاتییە گوهڕان بو (مامەیارە).
ماموستا حسێن پشکداریا چەندین خولێن کوردی و عەرەبی کرییە و خوەدیێ چەندین ڕێز و سوپاسانە.
پشتی (39) ساڵان ل خزمەت کرنێ ل بوارێ پەروەردە لسەر داخوازا خوە کو ساڵەکێ مابوو ژبو ماوێ یاسایی، ساڵا (2009) هات خانەنشین کرن.
ل بوارێ نڤیسین و وەرگێڕانێدە ڕۆڵا بەرچاڤ هەبوویە خوەدیێ چەندین بەرهەمانە:
1-ئیمان-بنچینەکانی و هەڵوەشاندنەوەی (وەرگێڕان)، دانراوی د.محەمەد نەعیم یاسین.
2-دواین میوان (وەرگێڕان)، دانراوی خالید ئەبوو ساڵح.
3-کۆمەڵە پرسیار و وەڵامێکی پێویست بۆ ڕێبواری موسڵمان (وەرگێڕان).
4-قەزاو قەدەر (وەرگێڕان)، نڤیسینا شێح محەمەد متولی شەعراوی.
5-ژیانی بەرزەخ (وەرگێڕان)، نڤیسینا شێخ محەمەد متولی شەعراوی.
6-پەیامێک بۆ بوک و زاوا (وەرگێڕان)، نڤیسینا (ئەبی عەبدولرەحمان-سەید بن عەبدولرەحمان).
7-چل ئامۆژگاری بۆ جگەرگۆشەکەم.
8-ناو و شوێنەکان لە قورئاندا (وەرگێڕان)، نڤیسینا د. ئەیوب دەرباس.
9-پێغەمبەری سەروەر لە بیست چیرۆکدا، نڤیسینا عەبدولتەواب یوسف.
10-مەولانای ڕۆمی.
11-شوێنکەوتووان، نڤیسینا (د. عەبدولرەحمان اخت پاشا).
12-هاوەڵان، نڤیسینا (د. عەبدولڕەحمان اخت پاشا).
13-وتەکانی عومەری کوڕی عەبدولعەزیز، نڤیسینا سەید عەبدوڵڵا.
14-حەسەنی بەسری، کورتەیەک لە ژیاننامە و هەندێک لە وتەکانی.
15-گوڵبژێرێک لە پەندە نەمرەکان، نڤیسینا ئەحمەد مەسکەوی.
16-چەپکە گوڵێک لە وتەی جوان و ناوازە، وەرگێڕان و ئامادەکردن.
17-خۆڕازاندنەوەی خانمان لە ئیسلامدا، وەرگێڕان ل دوو نامیلکەیاندە ب دەستکاری – چاپ نەبوویە.
18-خانەوادەی مەلا قادر، کورتەیەک ل ژیاننامەیا ماموستا (حسێن پێنجوێنی) هندەک ل یادەوەریێن چاپ نەکری.
19- ل نهادا مژویلێ بەرهەمەکێ دنە بناڤێ (گوڵبژێرک) ل پەڕاوێ (قبسات من حیاة الرسول) (ئەحمەد محەمەد عساف). [1]