#ڕێکخراوا کوردیپێدیا# 16 ساڵە دیرۆکا کورد و ڕووداوێن کوردستان و هەمی زانیارییەکێ کۆمدکەت و ئەرشیڤ دکەت. دامەزرێنەرێ ئەڤێ سازیێ دبێژیت: ئارمانجا مە پاراستنا ئەرشیڤ و زانیاریێن کورد و کوردستانێ نە، ئەڤێ ژی ئاشکرە دکەت کوو گەلەک جاران هەوڵا هاککرنا کوردیپێدیا دهێتە ئەنجامدان.
کوردیپێدیا، وەکە خوە پێناسا خوە کرییە پڕۆژەیەکە ژبو کۆمکرنا هەر زانیارییەک پەیوەست بت ب کوردستان و کورد و ئومێدەوارە ل پاشەڕۆژدا ببیتە پڕ زانیاریترین چاڤکانیا کوردی، داکو بڤی ڕیێ ب ئاسانی بزانین: کی، کییە؟! کێرێ، کیڤەیە؟! چ، چییە؟ سازییەکە ل ساڵا 2008ەڕە ب فەرمی ژ ئالیێ #هاوڕێ باخەوان# ، نڤیسەر و لێکۆلەرێ کورد هات دامەزراندن، لێ وەکە ئەو بخوە ئیماژە بو دکەت ل ساڵا 1995ێڕە داتایان کۆمدەکەت و کار ژبو کوردیپێدیا دکەت.
هاوڕێ باخەوان، ل دەمێ بەشداریکرن ل بەرنامەیا ڕۆژی #هیوا جەمال# ئاشکرە کر کوو پەیاما مە ب تەنێ ئەرشیڤ کرنا ئەوان بابەتانەیە، کو پەیوەستن ب کوردستان و کورد، ژبەر کوو بپارێزین ژ لەناڤچوونێ و بو نەڤییێن مە بمیننەڤە.=KTML_Embed_Begin=width:25%;height:20%;float:right;=KTML_Embed_Alt= پرۆگراما ڕۆژی هیوا ل کەناڵا ڕووداو تایبەت ب ناساندنا کوردیپێدیا=KTML_Embed_Source=https://www.kurdipedia.org/files/videos/2024/608902.mp4=KTML_Embed_End=
نها ل ناڤ کوردیپێدیا 27 کەس وەکە کۆمکەرێن زانیارییان کار دکەن، هەڤکارێن ڕێکخراوێنە و داتایان تۆماردکەن، #زریان سەرچناری# ، ئێکەکە ل کۆمکەرێن کوردیپێدیا کو زۆرترین داتا ل کوردیپێدیا دابەزاندینە کو بریتینە ل 187 هزار و 510 داتا.
کوردیپێدیا نڤیسینگە نییە، بەلکوو سەرجەم کۆمکەرێن وێ ل ماڵ کار دەکەن و ئەوان داتا و زانیارییان تۆمار دکەن، کو پەیوەیستن ب کورد و کوردستان. ماڵپەڕێ کوردیپێدیا ژبلی کو ب دەڤۆکێن ( کوردیی ناوەڕاست، کرمانجی–لاتینی، کرمانجی، هەورامی، لوڕی و لەکی) بابەتان بەڵاڤ دکەت، هەڤدەم ب 37 زمانێن دن، بابەت دەربارێ کورد و کوردستان بەڵاڤ دەکەت و زانیارییان هەلدگریت.
#سارا سەردار# ، ئێکەک لوان کۆمکەرێن کوردیپێدیایە، پشکدارا بەرنامەیا ڕۆژی هیوا جەمال کربوو، ئیماژە بوێ چەندێ کر کوو بابەتێن کوردیپێدیا ڕۆژانە نوو دبن و ب شێوازێن جودا دەکەڤنە بەردەستێ مە، ژبو نموونە پتر ل 20 هزار پەرتووک ب PDF ل کوردیپێدیا هەنە، هندەک کەس هەنە ئەو بخوە بابەتان دهنێرن، ئانکو ل دەزگەهێن میدیایی وەر دگرن.
گوتی ژی هندەک کەس ژی دگەل مە دانە کوو ڕوژانە بابەتێن کۆمەڵگەها کوردستان تومار دکەن، ژبەر کوو ببنە بەشەک ل دیرۆکێ دناڤا کوردیپێدیا.
کوردیپێدیا زانیارییان دەربارێ ڕیدانێن سیاسی و جڤاکی و ئابووری تومار دکەت. هەیا نها 526 هزار و 291 بابەت، 111 هزار و 727 وێنە، 20 هزار و 470 پەرتووک، 106 هزار و 326 فایلێن پەیوەندیدار، هزار و 588 ڤیدیۆ ل ماڵپەڕێ کوردیپێدیا دە هەنە.
کوردیپێدیا چەند بەشەکان لەخوە دگریت، بو نموونە ژیاننامەیا 26 هزار و 556 کەسان هاتییە دەینان، 14 هزار و 958 ڕێککەفت و ڕووداو تۆمارکرینە، چار هزار و 627 ئامار و ڕاپرسی تۆمار کرینە. تەنانەت بەشەک هەیە ژبو گەڕیانێ بو ناڤێن کوردی.
هەموو کەسەک دکاریت ببیتە هەڤکار ل کوردیپێدیا و هەر کەسەکیش پەرتووک ئانکو زانیاری ئان فایلەک پەیوەست ب کورد و کوردستانی هەبیت، دکاریت ل کوردیپێدیا تۆمار بکەت.
هاوڕێ باخەوان گوتی: دگەل ناڤێ هەمی کارمەندێن کوردیپێدیا، ئیمەیڵ و واتسئەپ هاتیە تومار کرن، هەڤوەڵاتی دکارن پەرتووک و بابەت و زانیارییان بهنێرن، داکوو ئەم ئەرشیڤ بکەین، پەیوەندی کرن ب کوردیپێدیاڕە ئاسانە.
دەربارێ بەڵاڤ کرنا زانیارییان ل کوردیپێدیا، هاوڕێ باخەوان گوتی زانیاری تشتەکێ بەهادارە، گرانترین تشت ل دیرۆکا مرۆڤایەتی دە زانیارینە، لێ ئەم د کوردیپێدیا دە زانیارییان نافروشین.
کوردیپێدیا ل ئێران و تورکیا فلتەر بوویە و بکارناهێت، دەربارێ ڤێ ئەگەرێ، هاوڕێ باخەوان گوتی: چەند ساڵەکانە فلتەرەکە هەیە، بگرە هەوڵا هاککرنا کوردیپێدیاش ددەن، چونکی وەکە سامانەک نەتەویی تێ دفکرن، ئەگەر دژەفیلتەرێن زور بهێز نەبن، ل باکوور و ڕوژهەڵاتێ کوردستانێ ناڤەبت.
بەشەکە گرنگا ماڵپەڕێ کوردیپێدیا، پەرتووکخانەیە، لڤێ بەشێدە ناڤێ 25 هزار و 923 پەرتووکان هاتییە تۆمار کرن و فایلا پی دی ئێفی یا 20 هزار و 470 پەرتووکان ژی ژبو خینەران بەردەستە.
هاوڕێ باخەوان: پەرتووکخانەیا کوردیپێدیا، ئێکەم پەرتووکخانەیا دیجیتاڵییە ل ڕوویێ زۆریا زمان و بابەت و پۆلێنکرنا وانا، لێ ژبو ڤەدیتنا پەرتووکان، ڕێنڤیس دبیتە کێشە، چونکو هەر میدیا و ڕوژنامەیەک ب ئالیەک جودا وشەیان دنڤیسن و زمانەک ئێکگرتی نییە، لەوما گەڕیان ل کوردیپێدیا هەیا ڕادەیەک ئاریشەیە و دکارت ئەو وشەیا کو تو ژبو دگەڕێی، ب چەند ئالییەکان هاتبیت نڤیسین، هەیاکوو بکاری ببینی.
ئەڤ بابەتە هاتیە ئامادەکرن ژ ئالێ: #بەشار عەزیز حەمەد# و هاتیە وەرگێڕان ژبو کرمانجی ژ ئالێ (#کاروان م. ئاکرەیی#)
[1]