Xwendin hunera guhdarkirinê ye
Melek Demîrtaş
Asta pêşketina civakê bi asta zanist, çand û xwendina wê tê naskirin. Ji bo wê Pirtûkxane di pêşxistina çiavk û çandê de xwedî roleke pir girîng e, Ji ber her tişta ku mirov dixwîne jê sûd digre; lewma em dikarin bibêjin ku pirtûkxane nîşaneyeke çandî ye. Û girîngiya pirtûkxaneyê ji girîngiya xwendin û çandê ye. Taybet ku di demên dawî de teknolojî pir pêşketiye. pirtûkxane ji bo pêşxistina civakê gelek girîng e, di vê raporê de em ê roniyê bavêjin ser çend pirtûkxaneyên ku bi vê rola mezin radibin û di pêşxistina civakê de xwedî rol û misyon in.
=KTML_Bold=Pirtûkxaneya Amûdê:=KTML_End=
7 Hezr Pirtûkên Cûrbecûr Dıhewîne.
Bajarê Amûdê bi nivîskar û rewşenbîrên xwe tê nasîn, ji bo wê jî dema ku em bêjin çanda xwendinê li Amûdê heya astekê pêşketiye normal e. li Amûdê pirtûkxaneya çand û hunerê piştî ya Dêrikê rêza duyemîn e di Herêmê de, ye ku 7 hezar pirtûk bi hemû cûreyan û zimanan tê de heye, ku rojane bi dehan kes serdana pirtûkxaneyê dikin. Pirtûkxane cihê ku rewşenbîr û hezkiriyên xwendinê hembêz dike ye, bi armanca teşwîqkirina civakê ji xwendina pirtûkan û zanakirinê re, ev pirtûkxane di sala 2012’an hate vekirin.
Li Amûdê gelek nivîskar derketine, ji bo wê jî ev pirtûkxane ji destpêka vekirina navenda Hûrî ya çand û hunerê ve heye, lê di sala 2014’an de ji nû ve hate rêxistin kirin, di pirtûkxaneyê de pêtir bi awayekî sîstematîk û rêxistinkî niha 7 hezar pirtûk ji hemû beşên wekî zanist, felsefe, aborî, jin, civak, dîrok, erdîngarî, şano, helebst û bawerî, her wiha beşeke taybet ji bo zimanan jî heye ku zimanên Kurdî, Erbeî, Sûriyan, Tirkî û Ingilîzî jî himbêz dike.
Di vê pirtûkxaneyê de bêtir xwestek ser pirtûkên kurdî, wekî roman, sînema, helebest û ol heye.
Gelek Xwendekarên tên serdana pirtûkxaneyê dikin û pirtûkan digirin, ji bo xwendina pirûkê jî heftiyek heta du heftiyan muhlet ji wan re tê dayîn û şûn de vedigrînin.
Pirtûkxaneya Amûdê
Ya grîng ku dema xwendevan pirtûkê digre hem agahiyên xwe zengînin dike û di heman demê de ew xwendevan û bi taybet endamên navendê dema kuxwendina pirtûkê bi dawî dikin li navendê ser mijara ku xwendiya semînerekê dide û nîqaş tê kirin. Bi vê awayî jî çanda xwendinê di civakê de pêş dikeve û hêz dide kesên din ku bixwînin. Di hundirê navendê de hola wêjeyî hatiye vekirin, ji bilî semînerên ku endam li ser pirtûkên ku xwendine didin, li vê hol jî mehê carekê semînereke çandî tê dayîn ku di encamê de guftugo û nerînên cuda derdikevin holê ev jî dibe mîna perwerdeyek biçûk. Di wê holê de her sal xwînerên zedetirîn xwendibin tên xelat kirin, 8 xwîner 4 jin û 4 mêr xelatê werdigrin, bi vî rengî hêz didin ciwnan ku pirtir bixwînin.
Hejmareke mezin ji xwînerên ku pirtûkan ji vê pirtûkxaneyê digrin derketiye, di encamê de guhertinek balkêş avabûye, ku di mehê de zêdeyî 100 pirtûkî ji vê pirtûkxaneyê derdikevin û tên xwendin ev jî diyar dike ku çanda xwendinê di Amûdê de heye astekê pêşketiye. pirtûkxaneya Amûdê yekemîn û mezintirîn pirtûkxaneye di Kantonê de, di heman demê de di vê pirtûkxaneyê de şevbuhêrkên helbestî û çandê jî tên lidarxistin.
=KTML_Bold=PİRTÛKXANEYA WAŞOKANÎ=KTML_End=
Ku em li dîrokê binerin her dîrok û çanda kurdan rastî êrîş û qirkirnê hatiye, ji ber ku bajarê Serê Kaniyê jî xwedî taybetiyeke dîrokî û çandeke kevnar e, dîsan rastî heman pilan û êrîşê hat, lê bi saya şorşê dijmin negihişte armanca xwe. Da ku ew dîrok û çanda resen di çavekê de hîn zindî binîme, navendên çand û hunerê di vî milî de rolek girîng lîstin. Yek ji van navendan jî navenda çand û hunera Waşokanî ye ku di 2013’an de hate vekirin, sê komên mûzîkê û gelek beşên din di hundirê navendê de hatin avakirin.
ji destpêka avakirina navendê de pirtûkxane hate sazkirin. Bi hejmareke kêm ji pirtûkan dest pê kir, lê niha nêzî 6 hezar pirtûkên cûrbecûr bi zimanê Kurdî, Erbeî, Sûryanî û Turkî jî hene. Ev pirtûkxane bûye wesîleya xurtkirina têkîliyan û danûstsandinê, ku her endamê navendê dema pirtûkekê dixwîne û bi dawî dike, ew endam semîrekê ser mijara ku xwendinye ji hemû endman re vedibêje û wiha ser mijara pitûkê nîqaş tê kirin. Bi vê awayî endam fêrî çanda xwendinê dibin û hem jî nîqaş û nerînên cuda derdikevin, her wiha hêzê dide endman ku pirtûkan bixwînin û fêrî gelek mijar û çandan jî dibin.
=KTML_Bold=Amara... Yekemîn Pirtûkxaneya Navendî=KTML_End=
Bi armanca pêşxistina çanda xwendinê li herêmê Qamişlo hate vekirin, Komîteya Wêjeyî ya Rojavayê Kurdistanê yekemîn Pirtûkxaneya Navendî bi navê Amarayê li bajarê Qamişlo vekir.
Di pirtûkxaneyê de bi sedan pirtûkên çandî, dîrokî, felsefî, bîrdozî û wêjeyî bi zimanê Erbeî û kurdî hene.
pirtûkxaneya Amara
Di pirtûxaneyê de kafêyek jî heye û deriyê pirtûkxaneyê li pêşiya hemû hezkiriyên xwendinê vekirî ye, her wiha rêveberiya pirtûkxaneya Amara pirtûkên taybet ji bo lêkolîn û lêhûrbûnê anîne, da ku xwendekar, lêkolîner û heskiriyên xwendinê lêkolînên xwe bi rihetî bikin.
Di encamê de tê diyar kirin ku çanda xwendinê pêşdikeve lê hîn negihîştiya asta ku tê xwestin.[1]