کۊنفرانسو زوانو ئەڎای
نویستەی: #ئیبراهیم حاجی زەڵمی#
کۆنفرانس و زوانو ئەدای جە ڕېکوزیا و کلتوری یانەو سیاوچەمانەی
کوٙنویس
ئاروٙ (21-02-2024)، ڕوٙ زوانو ئەڎاینە، یانەو سیاوچەمانەی کوٙنیشتێ میاندەوڵەتیش سازکەرد، تایبەت بە پەرسە مەعریفی و زوانیەکا، کە جەمێ جە کەسە ئەکادیمیا و بنویسا و ڕوٙشنویراو دلیٛ وەڵاتی و بەرو وەڵاتی ئامادیٛ ئی کوٙنیشتیە بییٛ. کوٙنیشتەکەنە چند باسێشا تاکو و توٙ (وەرد) کەردیٛ، پېسەو:
یوٙ: نویستەی بە زوانو هۆرامی پەنەوازەن ئەچی قوناغەنە، یانی مەشوٙ بە زوانو ئەڎایما بنیوسمیٛ
. دویٛ: هەوڵیٛ دریانیٛ گردو قەڵەمە هۆرامیەکا نزیکیٛ بگناوە جە یوٙترینی، بە ئامانجو یەکدەس نویستەی
. یەریٛ: هەوڵیٛ دریا (نویسە) پیتە هۆرامیەکیٛ ساقیٛ بکریاوە و چکوٙنە پەنەواز بوٙ بەکار بریا.
چوار: بڕیار دریا ئی جوٙرە ئەرەنیشتیٛ جە دماڕوٙنە سەرەمڕیٛ بانیٛ و دریٛژەشا پەنە بدەیمیٛ تاکو هەرمانەی فرەتەرە بکریوٙ پەی ڕېکوستەی تەختەکریٛڵیٛوی یوٙگیری هۆرامی و کیٛشەکاو زوانو ئەڎایما بە گردینی
پەنج: بڕیار دریا بە ئەرەمەرزنای ئەنجمەنێو بە نامیٛ (ئەنجومەنو پەرس و جوٙ و زوانو هۆرامی) پەی یەکەڵا کەردەیۆ پەرسە زوانیەکا هەکە مەیانیٛ وەرۆ
. ئی ئەنجومەنە سازیان جە پەنج کەسان، چەنی کەسېوی یەدەکی.
1. ناجح گوڵپی.
2. ڕەحیم حمەعەلی.
3. ڕیٛبوار عەبدلواحد
4. ابراهیم مەیکە عەلی
5. د. ئیبراهیم حاجی زەڵمی
6. عوسمان حمەفەرەج.
ئێژاو واتەین کە یەریٛ کەسایەتییٛ وەرکەوتی و کەسایەتیېوەیچ جە ئەوروپاوە، ڕاو ئینتەرنیٛتیۆ بەشداریی کاراشا کەرد جە کوٙنیشتەکەنە.[1]