یەکەمین ۋەڵاکەرڎەی (هۊرگېڵنی: کورڎی-هۆرامی پەی کورڎی-کورمانجی و کورڎی-کورمانجی پەی کورڎی-هۆرامی)
ئاماڎەکەرڎەی: #ئاکۆ مارانی#
ڕۊ (#26-05-2024#ز.) بە هۊرگېڵنای زېیاتەر چە هەزار و هەشت سەڎ ۋاچۍ و هەزار و چوارسەڎ دەسەۋاچۍ کورمانجییۍ پەی هۆرامی، هۊرگېڵنی (هۆرامی-کورمانجی /کورمانجی-هۆرامی) ڕاکۆت.
بە هېمەتو دڵسۊزا ڕۊبەڕۊ ئی هۊرگېڵنە شان بە شانو پڕۆژە دیجیتاڵییەکا تەری ئاسانکاری و خزمەتگوزاری بە وانیارە کورڎیی-زۋانەکا (کوردی: -لوڕی، -لەکۍ، -کەلهوڕی، -هۆرامی، -سۆرانی، -کورمانجی، -زازاکی ) پېشکەش کەرۊ؛ پەرەپنەدای ئی هۊرگېڵنەیە یان هەر پڕۆژېۋی تەرو دیجیتاڵیزە کەرڎەی زۋانە کورڎییەکا بەتاییبەت زۋانی هۆرامی و کەلهوڕی و لەکی و لوڕی و زازاکی و دیالێکتەکاشا ئەرکو گرڎ کەسېۋی دڵسۊزی هەن، کە وېش ۋەراۋەرو کۊمەڵەکېش و زۋانی ئەڎایی وېش ۋەرپەرس بزانۊ.
هەرپاسە ئېمە (چالاکۍ هۊرگېڵنە کورڎییەکا) هومېڎوازۍ هەنمۍ، کە کەسانۍ دڵسۊزۍ تەرۍ بە بەشداری چالاکانە وېشا و بە کېیاستەی داتاو فەرهەنگاشا ئی پڕۆژا تەسەلتەرۍ بکەرا.
بەکاربەرۍ بەڕێزە، بەکاربەری بەڕێز،
ۋەرو ئانەی، کە چە ئارۊنە هۆرامی-زۋانەکۍ و کورمانجی-زۋانەکۍ بە دۋۍ ئەلفابێتۍ جېیاۋازۍ منۋیسا و مواناۋە، ناچار بەشی کورمانجی هۊرگېڵنەکەی بە هەر دۋە ئەلفابێتەکە (ئارامی و لاتینی) نریانەرە، تاکو هەمکات هۆرامی-زۋانەکۍ و کورمانجی-زۋانەکۍ بتاۋا چە هۊرگېڵنەکەنە بە ئەلفابێتە دڵوازەکا وېشا بنۋیسا و بواناۋە. بە ۋاتێۋە تەرە، پەی کورڎی-کورمانجی هەمکات دۋۍ هۊرگېڵنۍ هەنۍ، یەکەمشا هەم بەشە هۆرامییەکەش و هەم بەشە کورمانجییەکەش بە ئەلفابێتی (ئارامی) نریێنېرە و دوەمشا بەشە هۆرامییەکەش بە ئەلفابێتی (ئارامی)، بەڵام بەشە کورمانجییەکەش بە ئەلفابێتی لاتینی نریانەرە.
پەی بەکاربەرڎەی هۊرگېڵنە (هۆرامی و کورمانجییەکەی بە ئەلفابێتی ئارامی، سەرو ئا لینکەیە کلیک کەرڎۍ:
https://lingojam.com/embed/Horami-KurmanciTranslator
=KTML_Link_External_Begin=https://lingojam.com/embed/Horami-KurmanciTranslator=KTML_Link_External_Between=هۆرامی و کورمانجییەکەی بە ئەلفابێتی ئارامی=KTML_Link_External_End=
پەی بەکاربەرڎەی هۊرگېڵنەکەی (کورمانجی-هۆرامی)یەکەی بە ئەلفابێتی لاتینی، سەرو ئا لینکەیە کلیک کەرڎۍ:
https://lingojam.com/embed/Kurmanci-HoramiTranslator
=KTML_Link_External_Begin=https://lingojam.com/embed/Kurmanci-HoramiTranslator=KTML_Link_External_Between=کورمانجی-هۆرامی=KTML_Link_External_End=
ئەرک نەبۊ، ئەر هەڵۍ و ناجۊریۍ ۋەرو چەماو شمەی بەڕێزی کۆتۍ، پېسەو هەمکاری و پەشتیۋانی چە پڕۆژەکەی، هەڵەکا دەسنیشانۍ کەرڎۍ و بنۋیسدېۋە و پەی ئېمەشا کېیاندۍ.
هەرپاسە، پېسەو پەشتیۋانی چە پڕۆژەو هۊرگېڵنی (هۆرامی پەی کورمانجی - کورمانجی پەی هۆرامی) چە ڕاو تۊڕە کۊمەڵایەتییەکاۋە ئا لینکەیە پەی یارا و یاۋارا و خوېشاو ویتا کېیاندۍ[1]