کورد دلۍ چەرخەکا تاریخینە
بەشۍ: دوەسەڎ و هەشتا و یەرەمە
نویستەی: #هاوڕێ باخەوان#
ساڵەو (1920ز.): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، مەزڵومی شاعېر ئامان دنیا، نامۍ تەمامەش سەی ئەحمەڎ کوڕو سەی موحەمەڎی بەرزنجین.
* بە مەبەسو نیشتەجاکەرڎەی ئاسوورییەکا دلۍ ناوچەو ورمێ، چەکدارەکۍ ئاغا پەترۆسی چەنی سمکۆی لوێ گژۍ یۊیرە، بەڵام سەرکۆتۍ نەبېنۍ.
* ئینگلیزەکۍ، ئاسوورییەکۍ ناوچەو ورمێشان ئاردۍ پەی پانیشتو کوردەسانی.
* سەرجەنۊ، سمکۆ دەسەڵاتش ملو ساراو ورمێ و سەڵماس و پانیشتو ناوچەکەیرە سەپنا.
* سمکۆ، خان ئەحمەد خان نامێش کەرد بە سەردارو خېڵو هەرکییەکا.
* ئینگلیزەکۍ، ئیسماعیل بەگو ڕەواندوزیشان کەرد بە سەردارو ڕەواندوزی.
* نویسەر و ڕامیار، عەبدوڵڵا جەوهەر جە دەگاو مێوڵێ ناوچەو قەراخی ئامان دنیا.
* ئینگلیزەکۍ، پۊلیسۍ سوارېشا دلۍ شارو سلېمانینە درووسۍ کەردۍ.
* مێجەرسۆن، یەکەم چاپخانەش ئاردەرە سلېمانی.
* مەلا ساڵحی تەڕەماری شاعېر، ئەچی ساڵېنە کۊچی دمایینش کەرڎەن.
* ئەچی ساڵېنە، شېخ سەمیم شېخ ئەحمەڎی بەرزنجی شاعېر کۊچی دمایینش کەرڎەن.
* ئەچی ساڵېنە، ڕۊنامەو کورڎی جە شارو ورمێ بە چەمڎاری سمکۆی بەرشییەن.
* موحەمەد پاشاو جافی ئەچی ساڵېنە کۊچی دمایینش کەرڎەن.
* حاجی نیعمەتوڵڵا ئەچی ساڵېنە کۊچی دمایینش کەرڎەن، نامبریا نویسەرو کتېبو (فرقان الاخبار)ی بېیەن، هەم موزیکژەنیچ بېیەن.[1]