هەرچەندە ئەنجومەنی ئاسایشی نەتەوە یەکگرتووەکان بڕیاری ژمارە 2401ی بۆ ئاگربەست لە سووریای پەسەند کردووە، بەڵام سوپای تورکیا بەردەوامە لە دڕندایەتیی خۆی دژی هەرێمی #عەفرین# و بڕیارە نێونەتەوەییەکان پشتگوێ دەخات. سوپای تورکیای داگیرکەر هەموو تەکنەلۆژیایەکی سەربازی بە ئامانجی قڕکردنی گەلی عەفرین بەکاردێنێت. لەبەرئەوە هێزەکانی ئێمە ناچار بوون مافی خۆپاراستنی ڕەوا بەکاربێنن و وەڵامی هێرشەکانی داگیرکەران بدەنەوە.
عەفرین
لە بەیانییەوە، ناوەندی شاری عەفرین بە چەکی قورس تۆپباران دەکرێت و سوپای تورکیای داگیرکەر گەڕەکی هاوڵاتیانی سیڤیل دەکاتە ئامانج.
جندرێس
لە ناوچەکە بەبێ ناوبڕ شەڕ بەردەوامە. هەروەها سوپای تورکیای داگیرکەر بە تۆپ و فڕۆکە بێ ناوبڕ هێرش دەکاتە سەر ناوچەکە. داگیرکاریی تورکیا و چەتەکانی داعش و ئەلنووسرە بەردەوامە لە کۆمەڵکوژییەکانیان له و ناوچەیە.
دوێنێ تۆپباران و بۆمباران لەسەر ناوچەکە سەختتر بوو و هەتا ئێوارە بەردەوام بوو. کاتژمێر 21:00 فڕۆکەجەنگییەکان و کۆپتەرەکانی جۆری کۆبرا دەستیان بە بۆمبارانی هەرێمەکە کرد. بۆمباران تا درەنگانی شه و بەردەوام بوو. بەیانیی ئەمڕۆش فڕۆکە و کۆپتەرەکان دەستیان بە بۆمبارانی ناوچەکە کردەوە. هاوکات لەگەڵ بۆمباراندا، لە ناوچەکە شەڕێکی سەخت لەنێوان هێزەکانی ئێمە و سوپای داگیرکەر و چەتەهاوپەیمانەکانی ڕوویدا.
شەرا
لە گوندەکانی کەفەرجانێ و مەسەرکێ شەڕی قورس لەنێوان هێزەکانمان و سوپای داگیرکەر لە ڕۆژی سێیەمدا بەردەوامە. لە لایەکی دیکەوە سوپای داگیرکەر بە چەکی قورس و فڕۆکەکان هێرش دەکاتە سەر ناوچەکە و شەڕ تا ئێستا بەردەوامە.[1]
#08-03-2018#