پەیمانگای زانستی کۆمپیوتەر لە #زانکۆی پۆلیتەکنیکی سلێمانی# دامەزراوەیەکی دیار و ناودارە. تایبەتمەندە لەتەکنەلۆژیای زانیاری و گرنگی بە بەرنامەکانی بازاڕکردنی نەرمەکاڵا دەدات. لە ئێستادا پەیمانگاکە ستافێکی باشی هەیە کە بریتین لە هەڵگرانی بڕوانامەی دبلۆم و ماستەر و دکتۆرا. ئامانجی بەرنامەکانی بەرهەمهێنانی کەسانی پیشەیی لێهاتووە لە بواری تەکنەلۆژیای زانیاری، بەڕێوەبردنی تۆڕ ، کە دەتوانن لە کەرتی تایبەت و گشتی و کۆمەڵایەتیدا خزمەت بکەن. لە ئێستادا CSI سێ بەش لەخۆدەگرێت: داتابەیس، نێتۆرک و تەکنەلۆژیای زانیاری. ئەم بەشانە بڕوانامەی دوو ساڵە دەبەخشن بە پسپۆڕی زانستی کۆمپیوتەر و باوەڕپێکراوی تەواویان لەلایەن #وەزارەتی خوێندنی باڵا#وە هەیە. زانستی کۆمپیوتەر شانازی بەو ئاسانکارییە نایابەکانەوە دەکات کە ئامادەکاری کراوە بۆ خوێندکاران، لەوانە هۆڵەکان ، پەرتووکخانە، تاقیگەی سیسکۆ، تاقیگەی مۆدێرن. خوێندکاران دەتوانن لە تاقیگەی تایبەت و چاودێریکراوی پەرتووکخانە کە ئینتەرنێتیان هەیە کەڵک ببین، ئەمەش دڵنیایی دەدات لەوەی کە ئامرازی پێویستیان هەیە بۆ سەرکەوتن لە خوێندنەکەیاندا.

$دیدگا:$
ئامانج لێی سوودوەرگرتنە لە خاڵە بەهێزەکانی ئێستامان و خۆمان وەک پێشەنگی تیمی ئایتی لە هەرێمدا جێگیر بکەین لە هەمان کاتدا ببینە هەڵبژاردەی سەرەکی بۆ خوێندکاران و ئەو ستافەی کە بەدوای ئەزموونێکی پەروەردەیی کواڵیتیی بەرزدا دەگەڕێن لە پەیمانگەی زانستی کۆمپیوتەر ئێمە ئاواتەخوازین ئاستی پەیمانگە بەرز بکەینەوە بۆ پێگەی دامەزراوەیەکی ئاست جیهانی کە بە شێوەیەکی بەرفراوان بەهۆی وانەوتنەوە، توێژینەوە، بەشداریکردنی کۆمەڵگە و خزمەتگوزارییە ناوازەکانی لە ئاستی ناوخۆیی و جیهانیدا.

$ئەرک:$
ئەرکی پەیمانگە ئامادەکردنی دەرچووانی ئایتی بە لێهاتوویی بەرزەوە کە ئامێری پێویستیان هەیە بۆچوونە ناو هێزی کار. بە جەختکردنەوە لەسەر پەروەردەی پراکتیکی کە ڕەگ و ڕیشەی لە بنەما و بەکارهێنانەکانی کاری تاقیگەییدا بۆ فێربوون، ئەم ئامانجە بەدەست دەهێنێت. بابەتەکان گرنگی بە فێرکردنی خوێندکاران دەدات دەربارەی زانستەکانی تەکنەلۆژیای زانیاری، لەوانەش بەرنامەسازی داتابەیس، تەکنەلۆژیای نێتۆرک، و ئایتی. خوێندکاران ئەزموون لە درووستکردن و چاودێریکردن و پەرەپێدانی سیستەمەکان و هەروەها درووستکردنی بەرنامەکان، لە ڕێگەی پڕۆژەی تایبەتەوە بەدەستدەهێنن. جگە لەوەش، پەیمانگە هەوڵدەدات هێزێکی بەهێزی کاری ناوخۆیی کوردی ئایتی بچێنێت بۆ پاراستنی سیستەمەکانمان و درووستکردنی نەرمەکاڵای پێشکەوتووی کوردی.

$مێژوو:$
پەیمانگەی زانستی کۆمپیوتەر لە ساڵی 2003 لە شاری سلێمانی لە هەرێمی کوردستان سەرەتا بە یەک بەش، بەشی داتابەیس دامەزراوە و دواتر بووە بە دوو بەش لەژێر ناوی بەشی “نێتۆرک”. کاتێک پەیمانگا تاقیگە و هۆڵی زیاتری ئامادە کرد ، بەشی سێیەم کرایەوە بۆ پێشوازیکردن لە خوێندکاران کە بەشی تەکنەلۆژیای زانیاری بوو. ئەم بەشانە بڕوانامەی دوو ساڵە بە پسپۆڕی زانستی کۆمپیوتەر پێشکەش دەکەن و باوەڕپێکراوی تەواویان لەلایەن وەزارەتی خوێندنی باڵاوە هەیە.[1]