حزبا بەعس یا عەرەبی یا سوسیالیستی ل #07-04-1947# ژ ئالێ میشیل عەفلەق ڕە هات دامەزراندن و دوو باڵێن سەرەکی ل ئیراق و سوریایێ هەبووینە و ل ئیراقێ دە بەعس ل کودەتایەکە سەربازی بسەر حکومەتا وی سەردەمەی یا ئیراقێ د ڕێکەفتا #08-02-1963# هاتە سەر حوکم .
دەستەیێ دووهەمێ بەعسیان ل کودەتایەکە دن دە ل ساڵا 1968 بوویە فەرمانرِەوایێ وڵاتی و حکومەت گرتە دەست و ئەحمەد حەسەن بەکر وەک سەر کومار هاتە دەست نیشان کرن و سەدام حوسێن ژی وەکە جێگرێ سەروک کۆمار هات دەینان، تەڤایا دروشمێن حکومەتا بەعسێ دروشمێن شۆڤینی بوون و ل ماوێ حوکمرِانیا خوەدە بەردەوام د هەوڵا سڕین و پاکتاوکرنا ناسنامە و نەژادێ نەتەوێن دن ب تایبەت نەتەوێ کورد دا بووینە.
ل ساڵا 1979 سەدام حوسێن ب تمامی دەسهەڵات گرتە دەست و ئەحمەد حەسەن بەکر هات خانەنشین کرن و لوێ ساڵێڕە سەدام حوسێن ب ئاگر و ئاسن و دەسهەڵەتەک دیکتاتۆریانە ل ئیراق چەسپاند و ل ماوێ سێ دەهەیێن دەستەڵاتا خوە سەرباری شەڕێ هەشت ساڵە دگەل ئیرانێ و داگیر کرنا کوێت و بەرهەمئانینا چەکێ کۆمکوژ و چەندین تاوانێن وەکە کیمیاباران و ئەنفال و تاوانا نەهێڵانا ڕەگەزی دژبەری کورد و گەلێن دن یێن ئیراق بکار ئانییە.
ئەڤ ڕژێما هەنێ ل مەها نیسانا ساڵا 2003 د ئەنجامێ ئێرشەک بەرفرەوان یا سوپایێ ئەمەریکا و هەڤپەیمانێن وێ بو سەر ئیراقێ هات ژناڤبرن و ئەو پەیکەرێ مەزن یێ سەدام ل ڕێککەفتا #09-04-2003# هاتە ژناڤبرن و تێک شکاندن و کوتایی ب حوکمێ چەندین ساڵەیێ دیکتاتوری ل ئیراقێ هینا و سەردەمەکێ نوو ل دیروکا سیاسی یا ئیراقێ هات دەستی پێکرن.
پشتی ژناڤبرنا ڕژێما بەعس ل ساڵا 2003 ب برِیارا دەسهەڵاتا دەمکی یا هەڤپەیمانان تەڤایا چاڵاکی ئێن حزبا بەعس ب ئاشکرە و نهێنی ل ئیراقێ هاتن قەدەغە کرن.[1] [2]