ساڵا 1950 ل تاخا تۆبخانەیا کەلها #هەڤلێر#ێ ژدایک بوویە و دەرچوویێ خانەیا ماموستایانە ل هەڤلێرێ د ناڤبەرا 1969 -1970دا. سێجار ژئالێ بەعسێ هاتییە دەستەسەر کرن. ئەندامێ یەکێتی قوتابیان و لاوانی دیموکراتی کوردستان، یەکێتی مامۆستایانی کوردستان، ئەندامێ دەستەیا کارگێڕییا تیپا هونەری یا هەڤلێر، ئەندامێ دەستەیا کارگێڕییا سەندیکایا هونەرمەندێن ئیڕاق/لقا هەڤلێر، دامەزرێنەر و سەروکێ تیپا مۆسیقا یا کاروان، ئەندامێ کۆمیتەیا ناڤەندی یا بزووتنەوەیا تورکمانێن بێلایەن، ئەندامێ مەکتەبا سیاسی یا بزووتنەوەیا بێلایەنێن تورکمان، جێگرێ سەروکێ بزووتنەوەیا تورکمانێن بێلایەن بوویە و نهاش سەروکێ پارتی یا ڕزگاری یا نەتەوەیی یا تورکمانە.[1]
هەروەها: #خالید عومەر عوسمان# ل ئەکاونتا خوە بڤی ئالیەی زانیاری هویرتر لسەر ژیانا وی دەرخستییە:
ناڤێ وی (شێرزاد ئەنوەر بەکر عەلی) یە، ساڵا 1950 ل باژێڕێ هەڤلێر ل قەڵاتێ ژدایک بوویە، ساڵا 1967 دەست ب کارێ هونەری کرییە، هەر لوێ ساڵێدە ئێکەم ئاهەنگ کو پشکداری تێدا دکەت ل خانەیا ماموستایان بوویە وەکە ژەنیارێ کەمان، ئەو تیپێن کو تێدا پشکداری کرییە ل دامەزراندنا وانا: (نەقابەیا ماموستایان- کۆمەڵ و هونەرا وێژەییا کوردی- تیپا هونەری یا هەڤلێرێ- تیپا هونەری یا نوو یا کوردی- تیپا موزیکا کاروان- تیپا موزیکا هەڵگورد)، ئەڤە ژبلی وان چالاکیێن قوتابخانە و مەڵبەندێن لاوان پتر ل (40) خولێن موزیکێ ڤەکرینە، ل هەموو ڤیستەڤالێن ئیڕاق و کوردستان پشکداری کرییە، دوو نامیلکە بەڵاڤ کرینە ب ناڤێن (زامەکانم گۆرانی دەڵێن- سێبەری دار گوێزەکە)، هەروەسا ب دەهان سروود و ئاواز داناینە ژبو ستران بێژان، پسمامێ هونەرمەندان (تەڵعەت عارف عوزێری و جەودەت شاکر عوزێری) یە، وەکە ڕاهێنەرێ موزیکێ ل مەرکەز شەباب دامەزرایە هەیاکوو بکارن تیپەک درووست بکەن کو بەرهەمێ خولێن فێر بوویێن مزیکێ بیت ب هەڤکارییا هونەرمەند لوقمان بەرزنجی و برایێن وی، ئەو بوو ل ساڵا 1983 تیپا موزیکا کاروان درووست کر و ئێکەم بەرهەم تومار کرد، ساڵا 1985 کۆمەک بەرهەم تومار کرن ولدیف وێ هاتە دەستەسەر کرن و تیپا وانا هەڵوەشیا، هونەرمەند ل ژیانا خوەدە (3) جاران هاتییە دەستەسەر کرن: جارا ئێکەم ژبەر نامیلکەیا (زامەکانم گۆرانی دەڵێن) بوو کو ل شەعرەکە وێدە دبێژیت (کە دیم قەڵا... شەقەی باڵی کوندە بەبۆ دێ... دەیهەژێنێ) هەرچەندە ل زور جهان نڤیسیبو ئەڤان شەعران عامە و سەقافەیا شەباب ڕی پێدابوو ژبەر کوو لێکۆڵین دگەل هات کرن و پشتی هەفتەیەکێ ئازاد بوو ب مەرجێ کو بەحسا ئەڤی بابەتەی نەکەت، جارا دووهەم لسەر نامیلەکەیا (سێبەری دار گوێزەکە) کو بەحسا هندێ دکەت کو (شۆڕشگێرەکە شەهید دبیت- هەڤالێن وی چەکێ وی تەسلیمی خێزانا وی دکەن- خێزانا ویژی کوڕەک هەیە) لێرە مەرەم ئەوە بووە کوو شوڕەش بەردەوام دبیت، ل لێکۆڵینان دبێژنێ کو سەربازێ ئیڕاقی دهێتە کوشتن و چەکێ وی تەسلیمی خێزانا وی دکەت- مەبەستا تە پێشمەرگەیە- پشتی مەهەک و سێ ڕۆژان ئازادی دکەن لدەف فندق زەیتونە دادنێن و دبێژنێ ڤەنەگەڕێی و هەرە وناهاخڤە، جارا سێهەم ژی ئەوان دگوت تەشکیلیەکە مارکسی دانایە ڕاستی ژی وەنەبوو، کەڤنە پێشمەرگەیەک سۆسیالیست خوە تەسلیم کربو، ئەو ژی دگەل وی ل جهەکی ڕونشتیە، لسەر ڤێ چەندێ هاتە دەستەسەر کرن و پشترە ئازاد بوو،
هونەرمەند شێرزاد عوزێری ل #2009-12-2# وەغەرا داویێ کر.
[2]