د. ئەفراسیاو هەورامی کەسایەتییەک دیار ڕووناکبیرێ و ئەرشیفی یێ کوردستان بوو، ئەو دەمێ کوو ل یەکێتی سۆڤیەت بوو، دەرفەتەک زێرین بو هات پێش داکوو بەڵگەنامە و ئەرشیفێن ئەڤی وڵاتە هەل بدات و ئەو بابەتێن گرینگ کو پەیوەندی ب دیروکا کوردی هەبووینە وەکە نڤیسین ئانکو وەرگێڕان ئامادە بکەت و وەکە پەرتووک چاپ و بەڵاڤ بکەت.
خوەدیێ 21 پەرتووکانە کو هندەکێن وانا ئێن چاپ بووین و ئەوێن دن وەکە دەستنڤیس ئێن ماین.
ئەفراسیاو کوڕێ حەمە شەریف کوڕێ خواجە حسێنە و ب ئەفراسیاو هەورامی یێ بەرنیاسە.
ڕوژا #21-03-1957# ل باژێڕوکێ #نۆدشە#ی سەر ب دەڤەرا هەورامانا لهۆنی یا روژهەلاتێ کوردستانێ ژدایک بووی.
ل نۆدشە و بەندەرعەباس قۆناغێن خوەندنێ تمام کرینە و بوویە ماموستا.
ل خانێ و نۆدشە وەکە ماموستا خزمەت کرییە.
د. ئەفراسیاو هەورامی کەسەک کوردپەوەر و خوەدی هەلوێست بوویە و ژبەر ڤێ چەندێ توویشی زیندان و ئازاردانێ بوویە.
ل شوڕەشا گەلێن ئیراندا ڕۆڵەک دیار هەبوویە و دگەل باب و برایەکێ خوە وەکە پێشمەرگە پشکدارییا ئەڤێ شوڕەشێ ل کوردستانا ڕوژهەڵاتێ دکەن.
پشترە ب نەچاری دهێنە باشوورێ کوردستانێ و ل باشوور و ل ڕییا حزبا شیوعی ئیراقێ دچیتە یەکێتییا سۆڤیەت و ل باژێڕێ دووشەمیە یا کۆمارا تاجیکستانێ دبیت و لوێرێ دەست ب خوەندنا یاسایێ دکەت و پشترە دچیتە ڕووسیا و ل زانینگەها ئیڤانۆڤ درێژە ب خوەندنێ ددەت و زانینگەهێ تمام دکەت و باوەڕنامەیا دکتۆرایێ بدەست دئینیت و زمانێ ڕووسی ب تمامی فێر دبیت، دەرفەتەک زێڕین ل مۆسکۆ ژبوی چێدبیت ژبوی کو ئەرشیف و بەڵگەنامەیێن کەڤنار ئێن سۆڤیەتێ هەڵ بدەتەڤە و چەندین بابەتێن گرنگ دەربارێ دیرۆکا کورد و کوردستانێ دەستڤە بینیت و وەکە چاڤکانییەک بو نڤیسینا چەندین پەرتووکێن ب نرخ مفایێ لێ وەربگریت و هندەک پەرتووک و بابەتێن دن ل زمانێ ڕووسی بو سەر زمانێ کوردی وەربگێریت.
$دیارترین پەرتووکێن چاپکری$
(کورد ل جەنگی ڕووسیا لەگەڵ ئێران و تورکیادا، ڕۆژهەڵاتی کوردستان ل سەردەمی دووەم جەنگی جیهانیدا، کورد لەئەرشیفی ڕووسیا و سۆڤیەتدا، مستەفا بارزانی ل هەندێک بەڵگەنامە و دۆکیومێنتی سۆڤیەتیدا، کوردەکانی پشت قەفقاس، ڕووداوەکانی ڕۆژهەڵاتی کوردستان لەبەڵگەنامەی سۆڤیەتدا، پەیوەندییەکانی کوردستان و ئازەربایجان و هەرەسهێنانی هەردوولا ل ساڵا 1946 ل بەڵگە و سەرچاوەکاندا، تراژیدیای کوردەکانی سۆڤیەت، شۆڕشی شێخ سەعیدی پیران و سۆڤیەت) و چەندانێن دن.
خوەدیێ چەندین گوتار و لێکۆڵینێن دنە دەربارێ جهێ کوردان ل بەڵگەنامەیێن سۆڤیەتێدا کو ل ڕوژنامە و گۆڤارێن کوردستانێدە بەڵاڤ کرینە.
ب مخابنیڤە ل ڕوژا#15-12-2010# ل باژێڕێ مۆسکۆ وەغەرا داویێ کر و ڕوژا #23-12-2010# ل رێوڕەسمەک هەژیدە تەرمێ وی بەرەڤ تەهران ڕێکر و پشترە برنە باژێڕێ #مەریوان# و ل گۆڕستانا دار سەیران هات بخاک سپاردن.[1]