کۆمەڵگەها کوردی ب گشتی و باژێڕێ #سلێمانی# ب تایبەت ل چارێکا ئێکەما سەدە ساڵا بیستەمدا ب ڕییا خەیاڵا شاعیران و ئەو پەیڤێن کو بکار ئانینە، دگەل جیهانا مۆدێرندە بەرکەفتن هەبوویە، ئەگەر نە، شێخ نووری (محەمەد نووری) کوڕێ شێخ ساڵح کوڕێ شێخ غەنی کوڕێ سەید عەبدولقادری کوڕێ سەید حەسەنی کوڕێ سەید عەلی کوڕێ سەید محەمەدی کوڕێ سەید مستەفای کوڕێ سەید ئیسحاقی کوڕێ بابا ڕەسوڵێ مەزن، ل ساداتا بەرزنجەیە. ساڵا 1896 ل تاخێ دەرگەزێن ل سلێمانی ژدایک بوویە. ل زاروکیێ ل حوجرێ دەف خواجە ئەفەندی و مەلا سەعیدێ زەڵزڵەیی و شێخ بابا عەلی شێخ عەبدوڵڵا، نەحو و سەرف و بەلاغە خوەندییە و هەیا قوناغا جامیێ چووە، پشترە قوتابخانەیا سەرەتایی تمام کرییە، چویە ڕوشدیەیا سەربازی یا سلێمانیێ و پشترە واز لێ ئانییە.
دەمێ کو بابێ وی ل ساڵا 1914 دەست ل کارێ بازرگانیێ بەردایە، شێخ نووری دگەل شێخ برایمێ برایێ خوە کارێ برنا کالایان ل ڕۆژهەڵاتێ کوردستانێ ژبوی بەغدا و بەسرە کرییە.=KTML_Photo_Begin=https://www.kurdipedia.org/files/relatedfiles/2010/4438/0002.JPG=KTML_Photo_Alt=شێخ نووری شێخ ساڵح=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/4438/0002.JPG=KTML_Photo_End=
زمانێن تورکی و عەرەبی و فارسی ب گوتن و نڤیسین دزانی. خووەدیێ کەسایەتییەک پاک و ڕەوشتێ بەرز و کوردپەروەر بوو و بەهرەیەک مەزن ل هەڵبەست و گوتارێن سیاسی و وەرگێڕان و نڤیسینا ئۆپەرێت و لێکۆڵینێن ئەدەبیدا هەبوو.
ل ئێکەم خولا ئینگلیزان دە ل سلێمانی، سێ مەهان هات زیندانی کرن. #مێجەر سۆن# گەلەکێ پێ سەرسام بووە و گوتبوو (خۆزیکا قەفەسەک هەبا داکو ئەز و نووری بهەڤڕە ژیاباینە، ئان کو کاریبام چووبامە دناڤا مێشکێ وی و من زانی با کو چەوا دروست بییە .
پشترە ساڵا 1923 جارەکە دن ژبەر کوو سەرنڤیسەرێ ڕۆژی کوردستان بوو، هاتە دەستەسەر کرن. ساڵا 1926 جارەکە دن ژبەر نڤیسین و بەرگری کرنێ ل کوردایەتیێ، ئینگلیزان یێ دەستەسەر کری.
ل #15-01-1921# وەکە کاتبێ دوهەمێ شارەدارییا سلێمانیێ هاتییە دامەزران، #01-09-1921# بوویە کاتبێ ئێکەم، هەیا#05-09-1922# لوی پۆستەیدە مایە.
$ل ماوێ ژیانێدە ئەڤ کارە وەرگرتینە:$
- 14-09-1926 هەیا 15-01-1927 مەئمورێ تۆمارکرنا خوەدی کار و کارگەهان.
- 02-04-1927 هەیا 31-07-1935 کاتبێ دوڤەمێ مەسرەف ل موحاسەبەیا سلێمانی.
- 01-08-1935 هەیا 19-12-1937 کاتبێ مەسرەف ل خەزێنەیا سلێمانی.
- 205-12-1937 هەیا 21-03-1939 کاتبێ مەسرەف ل خەزێنەیا #هەڤلێر#.
- 25-03-1939 هەیا 08-09-1939 کاتبێ مەسرەف ل خەزێنەیا سلێمانی.
- 4ی 9/1943 هەیا 09-09-1943 موحاسیبی تەموینی ل سلێمانی.
- 16-03-1945 هەیا 07-08-1945 ڕێڤەبەرێ ناحیەیا ناودەشت.
- 28-08-1945هەیا 12-06-1948 ڕێڤەبەرێ ناحیەیا باڵەک.
- 23-06-1948 هەیا 03-04-1949 ڕێڤەبەرێ ناحیەیا #تەقتەق#.
- 12-04-1949 هەیا 26-05-1951ڕێڤەبەرێ ناحیەیا سەنگاو.
- 25-04-1951 هەیا 02-12-1952 ڕێڤەبەرێ ناحیەیا بارزان.
- 08-12-1952 هەیا 02-01-1955 ڕێڤەبەرێ ناحیەیا وارماوە.
پشترە عومەر عەلی موتەسەڕیفێ سلێمانیێ سێ ساڵان ل کاری فەرمی دەر کر.
ڕوژا #20-12-1958# ب نەخوەشی وەغەرا داویێ کر.