ناڤ: بەکر
ناڤێ بابی: عەبدولکەریم
ساڵا ژدایکبوونێ:1914
جهێ ژدایکبوونێ: #کۆیە#
ڕێککەفتا وەغەرا داویی: #13-12-1999#
جهێ وەغەرا داویی:#سلێمانی#
$ژیاننامە$
ناڤێ وی بەکرێ کوڕێ عەبدولکەریم ئاغایێ کوڕێ عەبدولواحیدێ حەوێزییە، ل مەها 9 یا ساڵا 1914 ل باژێڕێ کۆیە و د ماڵباتەکە بەرنیاس و نیشتمانپەروەر ژدایک بوویە. قوناغا دەستپێکا خوەندنێ هەر ل کۆیە تمام کرییە و ژبو قوناغێن ناڤەندی و ئامادەیی یێن خوەندنا خوە چوویە باژێڕێ بەغدا ل وێرێ تمام کرینە. پشتڕە چوویە قوتابخانەیا سەربازی و ساڵا 1936 ب پلەیا (مولازم دووهەم) هاتییە دامەزراندن پشتی شەش مەهان ل خولا مەدفەعییە دەست ب خوەندنێ کرییە.
بەکر ئاغا کو ل دیرۆکا وەڵاتێ مەدە ب ڕەئیس بەکر ئانکو (نەقیب بەکر) ناڤباگێ خوە دەرکرییە، هەر ل ژیێ زاروکینیێ ڤە هەستا نیشتمانپەروەریەکە بەرز هەبووییە و وی سەردەمەیش کو خوەندەکار بوویە ل بەغدادێ د زۆر چالاکی یێن سیاسی دە بەشدار بوویە و پشتڕە پەیوەندی کرییە ب حزبا هیوا. دەمێ کوو شوڕەشا بارزانیش دەست پێ کر ڕەئیس بەکر ل ڕییا حزبا هیواڤە و ب فەرمانا وێ حزبێ کۆمەکا ماددی یا زۆر ژبو وێ شوڕەشێ بەرهەڤ کرینە. ل ناڤەڕاستا ساڵێن چلێ ژی دە کوو #کومارا مەهاباد# دامەزریا، ڕەئیس بەکر پەیوەندی ژێڕە کرییە و ڕۆڵەکە مەزن دناڤا کومارێدە گێڕایە ل دامەزراندنا لەشکریدە کو دژی حکومەتا دەکتاتۆرا شایێ ئیرانێ پێکهات بوو.
ئەف تێکوشەر و شوڕشگێرێ خودان هەڵوێست، هەڤالێ شەهیدان مستەفا خۆشناو و محەمەد قودسی و عیززەت عەبدولعەزیز و ئەفسەرێن کوردپەروەرەێن دن، پشتی نەمانا کۆمارا مەهابادێ، خوە نەئێخستە بندەستیێ و ل دەڤەرێن کویستانی و چیایێن سەخت یێن کوردستانێ ژبو هەیامەکێ درێژ بەڕەڤانی ژ خوە و هەڵویستا خوە یا نەگووڕ کر. ڕەوان شاد بەکر ئاغایێ حەوێزی هەیا دوماهیل هەناسەیا ژیانا خوە ل بەرەیێ نەتەوەیێ خوەدە بوویە و ڕوژا 13ێ یا کانوونی ئێەکەما ساڵا 1999 ل باژێڕێ سلێمانی وەغەرا داویێ کر.[1]
ئەم بابەتە بەزمانی (کرمانجی - Upper Kurdish (Arami)) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 258 جار بینراوە
ڕای خۆت دەربارەی ئەم بابەتە بنووسە!