پیچک، پێچووکە، #هەندرێشە#، هەندرێشن، پیچک داڵەهۆ، گیایەکی بەهاریی کوێستانی یە وەک سیر دەچێ. تامی زۆر توونە و بە کاڵی وەک سەوزی بە نانەوە ئیخۆن و کەلانەی زۆر بەتامیشی لێ درووست دەکرێ. گەڵاکانی سەوز و سێ سووچن و گوڵەکانیشی زەردن، لە بنیشەوە سەلکی وردی وەک پیازی هەیە. ئەم گیایە مەوادێکی کرم کوژی تێدایە، هەر بۆیە بۆ ڕیخۆڵە زۆر باشە و زۆر دژی کرمی ئاسکاریس ە. کوڵێندراوی ئەم گیایە لەگەڵ گوڵی بابۆنە (هەرکام 10 گرەم) دا بۆ دڵ ئێشە و خوێنڕێژی گەدە زۆر باشە. ئەگەر پیچک لە گەڵ گیای ئاوێشن و تۆوی گژنیژ (هەرکامیان 10 گرەم) بکوترێن و هەر ڕۆژە کوچکێکی لە cc 500 ئاودا کوڵێندرێ بۆ ترشاوی گەدە و تامی تاڵی زار زۆر باشە. بۆ ئەوی ددان کڕۆژە لە خۆتان دوور کەنەوە دەبێ پیچک لەگەڵ ماست تێکەڵ بکەن و پێش خەوتن 4 کەچکی لێ بخۆن.