سەرۆکی ئەنجومەنی کاری عیراق – بەریتانیا، ئاشکرایکرد، بەهۆی ئارامی دۆخی ئەمنیی هەرێمی کوردستان، زیاتر لە 100 کۆمپانیای بەریتانیا لەبواری ئابوری و کەرتی نەوت و گاز و دیزاین و بورای کشتوکاڵ له و هەرێمە کاری سەرمایەگوزاریی دەکەن.
لەدیدارێکی تایبەت لەگەڵ ڕۆژنامەی شەرقەلئەوسەت، ئیما نیکڵسۆن، سەرۆکی ئەنجومەنی کاری عیراق – بەیتانیا و کونسوڵی گشتی بەریتانیا لەهەرێم ئاشکرایکرد، زۆرێک لەکۆمپانیاکانی بەریتانیا، لە بوارە جۆراوجۆرەکانی وەبەرهێنان لە هەرێمی کوردستان کاری سەرمایەگوزاریی دەکەن، وتیشی: کۆمپانیاکانی بەریتانیا لەئاستی بەرزدان، بەتایبەت کۆمپانیاکانی بەرهەمهێنانی نەوت و گاز و وزە.
بەوتەی ئیما نیکڵسۆن، ژمارەی کۆمپانیاکانی بەریتانیا لەهەرێم، بەبەراورد بە پەیوەندیەکانی نێوان بەریتانیا و هەرێمی کوردستان کەمن، داواشیکرد، کۆمپانیاکان ئاستی وەبەرهێنانی بەریتانیا لەهەرێم زیاد بکەن.
ئیما نیکڵسۆن، باسی لەوەشکرد کە، بەنیازن هێلێکی گەشتی ئاسمانی ڕاستەوخۆ لەنێوان لەندەن و #هەولێر#دا بکەنەوە، بەمەبەستی ئاڵوگۆڕی بازرگانی نێوان هەردوولا و بۆ ئەو مەبەستە لەگەڵ بەڕیوەبەری هێڵی ئاسمانی بەریتانیا وتوێژیان کردووە و پێدەچێت لەساڵی داهاتوودا ئەو هێڵە بکرێتەوە.
ئیما نیکڵسۆن،ئەوەشی ئاشکراکرد کە، ئاستی هەناردەی بەریتانیا بۆعیراق، ساڵی ڕابردوو گەیشتۆتە، 285 ملیۆن #پاوە#نی ئیستەرلینی کە دەکاتە 420 ملیۆن دۆلار، ڕوونیشی کردەوەکە، چالاکیی کۆمپانیاکانی پارساڵی بەریتانیا لە هەرێمی کوردستان، لە بورای دڵنیایی و ئەمنیی، گەیشتۆتە 566 ملیۆن پاوەنی ئیستەرلینی کەدەکاتە 800 ملیۆن دۆلار.
#22-11-2013#