دواتر گەڕام بەشوێن کاک عومەر غەریبدا تا لە مانگی 5-1975 دۆزیمەوه و ماڵیان لە بەکرەجۆ بوو، ئیتر پاش 2-3 سەعات پیاسە کردن و باسکردن کۆمەڵەی پێ ناساندم، هەر لە 1975 وە بومە لایەنگری کۆمەڵە، کاک عومەر لە پشتگیریەکەدا بەدرێژی باسی لێوە کردووە، کاک عومەر پیاوێکی زۆر شارەزا بوو لەبواری ڕێکخستن و کاری ڕێکخراوەیدا. زۆر بە وریایی کاری لەگەڵ دەکردین له و هەلو مەرجە ناسکەی دوای هەرەس.خەڵکی زۆری ئەناسی لە سلێمانی و پێنجوێنو هەڵەبجەی شەهید، لەبیرمە کاتی گیرانی خاڵە شەهاب و هاوڕێکانی و تەسلیمکردنیان بە بنکەی پۆلیسی بناوەسوتە زۆر ناڕەحەت و دڵگران بوو، ووتی ئەگەر زووتر بەمنیان بووتایە ڕەنگە بمتوانییایە بەهۆی ناسینی هەندێک لە پۆلیسەکان بەرم بدانایە، چونکە له و کاتەدا نەزانراو بوو کە ئه و گیراوانە کێن و وەک هاوڵاتییەکی ئاسایی هەڵسوکەوتیان لەگەڵدا ئەکرا.