هاوسەرۆکایەتی کۆنسەی بەڕێوەبەرایەتی کەجەکە بە بۆنەی ساڵیادی 15ی تەباخ ڕاگەیێنراوێکی بڵاو کردەوە کە تێیدا هاتووە:
لە کەسایەتی مەحمسوم کۆکماز فەرماندەی گەورە کە هەنگاوی 15ی تەباخی 1984ی شۆڕشی ژیانەوەی دەستپێکرد، بە ڕێز و حورمەتە یادی هەموو فەرماندە و #شەڕڤان#ە گەریلا شەهیدەکان دەکەینەوە. فەرماندە گەورەکانی وەکو ئەنگین سینجار، ئاتاکان ماهیر و زەکی شەنگالیش کە لە مانگی ئابدا (تەباخ) شەهید بوون، بە ڕێز و حورمەتەوە یادیان دەکەینەوە و بەڵێن دووپات دەکەینەوە کە کوردستانی ئازاد و ڕۆژهەڵاتی ناوەڕاستی دیمۆکراتیک بونیاد دەنێین. ئێمە جەژنی ژیانەوە لە ڕێبەر ئاپۆ و گەلی کورد و هەموو خۆڕاگرانی سەر شاخەکان و ناو زیندانەکان و هەموو شوێنێک، پیرۆز دەکەین.
هەنگاوی گەورەی شۆڕشگێری 15ی تەباخ، ئەمڕۆ لە ژێر فەرماندەیی شەهیدە خۆڕاگریەکان بە ئیرادە و بڕیارێکی گەورەوە بەردەوامە. تا ئەو ڕۆژەی هێزە قڕکەرەکان لەناو دەبرێن و کوردستانی ئازاد و ڕۆژهەڵاتی ناوەڕاستی دیمۆکراتیک بونیاد دەنرێن، ئەم خۆڕاگریە بەردەوام دەبێت.
هەر وەک چۆن ڕێبەر ئاپۆش هەموو جارێک دەیگوت، هەنگاوی 15ی تەباخ بۆ دەمارە وشکبووەکانی گەلی کورد، بووە بە ئاوی حەیات. داگیرکەریی قڕکەری 12ی ئەیلول دەیانوت، 'کۆتاییمان پێهێنان، دوایین گورزیشمان وەشاند'، بەڵام ئەوا ئیرادەی ژیان و ئازادیی گەلی کورد بوو کە گورزێکی لە ڕووی داگیرکەریی قڕکەر وەشاند. لە بەرامبەر داگیرکەری قڕکەر ئیرادەی تێکۆشانێکی بەهێز هاتووەتە ئاراوە. بەم شێوەیە هەنگاوی 15ی تەباخ لە یەکەم گولەوە خۆی سپاردووە بە هێزێکی ئایدولۆجیی سەرکەوتوو و ئیرادە و بڕیارداریەوە. هەنگاوی 15ی تەباخ، ئەوەی داگیرکاریی قڕکەر ڕایدەگەیاند گوایا تەمەنی 72 کاتژمێرە، بە سەرفرازیەوە گەیشتووەتە ڕۆژی ئەمڕۆ. ئەم هەنگاوە کە وەکو شۆڕشی ژیانەوەی کوردستان دەستی پێکردووە، ئەمڕۆ بووە بە بناغەی شۆڕشی ڕۆژهەڵاتی ناوەڕاستی دیمۆکراتیک.
وەکو بە ئەزمونترین بزوتنەوەی گەریلا لە جیهاندا، جێگای خۆی لە مێژوودا کردەوە
هەنگاوی 15ی تەباخ وەکو جەنگی گەورەی گەریلاکان لە جیهان، ئەمڕۆ وەکو بە ئەزمونترین بزوتنەوەی گەریلاکان جێ خۆی دەگرێت. محمد سەڤگات، مستەفا یوندەم، ئەحمەد کاسیپ، کازم کولو، دکتور باران، خەبات دێرک، هالیل دێرک، محمد ئوزبەی، محمد ئەمین ئاسلان، سولێمان ئاسلان، بەسێ ئانوش، ئازیمە دەمیرتاش، سولتان ساوز، هێمن یاوەر کایا، گوڵناز کاراتاش، زەینەب کناجی، نودا کارکەر، شیلان کۆبانێ، ڤیان #سۆران#، چیچەک کچی، دەلال ئەحمەد، سۆرخوین دێرسم، چیچەک کورتالان، شەڤین بینگول، زین ئاڤاشین، عیسا دێرسم، ماهیر #ئامەد#، ئەنگین سینجار، عادل بلیکا، قەدری چەلیک، ڕوستەم جودی، ڕەشید سەردار، عەلیشێر کۆچگری، نەعمان ئامەد، ئازاد سیسەر، ئاتاکان ماهیر، باران دێرسم، عەلی پڵنگ، سینانی سوور، قاسم ئەنگین، ڕووبار دیجلە، تێکۆشەر گەڤەر و چەندین فەرماندەی دیکەی شەهید کە لەسەر هێڵی محمد قەرەسونگور و مەحسوم کورکماز، ئیرادە و بڕوا و گیانێکی گەورەی گەریلایان هێنایە ئاراوە و هیچ هێزێکی شەڕکەر ناتوانێت ئەم هێزە بشکێنێت. تاکە ئامانجێک کە ئەم فەرماندەیی و ملیتانیە هەیەتی، سەرکەوتن و بونیادنانی کوردستانی ئازاد و ڕۆژهەڵاتی ناوەڕاستی دیمۆکراتیکە.
شۆڕشی کۆمەڵایەتی بونیاد ناوە
شۆڕشی ژیانەوەی 15ی تەباخ لە زیاتر لە زۆربەی بزوتنەوەی گەریلاییەکان، شۆڕشی کۆمەڵایەتی هەڵگیرساندووە. گەلی کورد بە پێشەنگایەتی ژنان و گەنجان، شۆڕشی نەتەوەیی، شۆڕشی کۆمەڵایەتی، شۆڕشی دیمۆکراسی، شۆڕشی ئازادیی ژنان، شۆڕشی کلتوری، شۆڕشی ویژدان و کەسایەتی هەڵگیرساندووە. ئەو گۆڕانکاریانەی لە سەدەکاندا ڕوودەدەن، لە ماوەی 36 ساڵدا ڕوویاندا. لەم 36 ساڵەدا چەرخی مێژوو خێراتر بووە. بە دەرباسبوونی ساڵەکان، گەورەیی هەنگاوی شۆڕشگێری 15ی تەباخ زیاتر ئاشکرا دەبێت.
ئەمڕۆ لە بنچینەی گەشەکردن و دەستکەوتەکانی هەر چوار پارچەی کوردستاندا، گەورەترین دەستکەوت و گەشەگرند، ئەم هەنگاوەی 36 ساڵەیە. شۆڕشی ژیانەوە، کوردی کۆکردەوە و سنووری دەوڵەتانی بێواتە کردووە. لە سایەی ئەم هەنگاوە شۆڕشگێریە، گەلی کورد بوو بە شۆڕشگێرترین و دیمۆکراتیکترین گەلی ڕۆژهەڵاتی ناوەڕاست. گەلی کورد ئەمڕۆ بە کارەکتەرە کۆمەڵایەتی و نەتەوەییەکانی، لە جیهاندا بوو بە سەربەرزترین گەل. گەلی کورد خاوەنی شکۆیە و سەربەرزە. چونکە گەلی کورد گەیشتووەتە ڕاستی گەلان بۆ ویستی ئازادی.
گەلی کورد بە پارادیگمای کۆمەڵایەتی و ژینگەپارێزی و دیمۆکراتیک کە ئازادی ژنان دەپارێزێت، وەکو جێگرەوەی ژیانی ئازاد و دیمۆکراتیک لە دەرەوەی دەوڵەتان، بووە بە هیوای هەموو گەلانی جیهان. شۆڕشی ژیانەوەی 15ی تەباخ ئەمڕۆ بووە بە شۆڕشی ژیانەوەی هەموو گەلانی ڕۆژهەڵاتی ناوەڕاست و گشت مرۆڤایەتی. وەکو ڕێبەر ئاپۆش دەڵێت، ئەوەی تا ئێستا دەکرا ئامادەکاری گەورە بوون، گەشەکردن و دەستکەوتی گەورە لە ساڵەکانی داهاتوودا بەدی دێت. چونکە هیچ سنوور و هێزێکی شەڕکەر، ناتوانێت لە بەردەم شۆڕشی ژیانەوەی سەر هێڵی ئایدۆلۆجی و سیاسیی ڕێبەر ئاپۆ بۆستێتەوە. وەکو چۆن لە مێژوودا ئەو شۆڕشانەی بە پێشەنگایەتی ئایین، چین و کۆمەڵاگا نەوەستێنراون، بە هەمان شێوە ئەم شۆڕشە گەورەیەش کە لەسەر پارادیگمای ڕێبەر ئاپۆیە، ناوەستێنرێت.
گەریلا لە حەفتانین بە لێدانی هەلهەلە لە خۆڕاگریدایە
لەم ڕۆژانەدا کە پیرۆزبایی جەژنی ژیانەوەی 15ی تەباخ دەکەینەوە، گەریلاکان لە حەفتانین لە سەر هێڵی مەحسوم کورکماز، بە دەیان فەرماندەی گەورە و بە دەیان هەزار شەهید و بە جۆش و خرۆشی جەژن و بە لێدانی هەلهەلە لە خۆڕاگریدان. لەماوەی دوو مانگی ڕابردوودا، ئەوە ئاشکرا بوو کە هیچ کاتێک، ڕۆحی شۆڕشگێریی 15ی تەباخ ناشکێنرێت. سڵاومان دەنێرین بۆ ئەو خۆڕاگرانە کە گورزی کوشتندە لە هێزی فاشیستان دەدەن و پیرۆزبایی لە خۆڕاگریان دەکەین. خۆڕاگریی حەفتانین لە 37هەمین ساڵی 15ی تەباخدا، لەسەر بناغەی خۆڕاگریی گەورە لە کوردستان بەردەوام دەبێت و هێرشکەرە قڕکەر و داگیرکەرەکان پەشیمان دەبنەوە. ئەسمەر، نورجان و ڕۆستەم جودی کە بوون بە سیمبولی خۆڕاگری حەفتانین، تێک نەچوون، بەڵکو ئەوانەی پشت بە تانک و تۆپەکانیان دەبەستن تێک دەچن. ئەوەی لێی دەترسن بەسەریان دێت، وەکو 36 ساڵی ڕابردوو بەسەریان دێت.
خۆڕاگریی بە دەوری خۆڕاگریەکەی گەریلاکان بەرفراوانتر دەکەین
دەوڵەتی داگیرکەری تورک وەکو بەر لە 36 ساڵ دەیوت، 'لەناویان دەبەم'، لە باکور و باشور و ڕۆژئاوا هێرشی ئەنجامدا، بەڵام ئەو هێرشانە سەرکەوتوو نەبوون. خۆڕاگریی گەریلا و گەلی کورد کە تا ئێستا ئەو هێرشانەیان پووچەڵ کردووەتەوە و گەشەی گەورەیان کردووە، بە هەمان شێوە دوایین هێرشەکانیشیان پووچەڵ دەکەنەوە. چونکە یاسای ئەم شۆڕشی ژیانەوەیە، دیالێکتیکی سەرکەوتنی بارودۆخی سەخت و دژوارە. تێکۆشانی ئەمڕۆشمان لە سەر هەمان هێڵ بەردەوام دەبیت. کۆتایی بە داگیرکاریی قڕکەر و فاشیستی ئاکەپە و مەهەپە دێت و تێک دەشکێن، کورد و گەلانی تورکیا و ڕۆژهەڵاتی ناوەڕاست و مرۆڤایەتیش سەردەکەون.
لە 15ی تەباخی 1984وە تا ئەمڕۆ گەریلاکان لە ماوەی 36 ساڵدا بوون بە پۆڵا و لە 37هەمین ساڵیشیدا لە خۆڕاگریدا دەبێت. لە ماوەی 36 ساڵی ڕابردوودا، گەلی کورد کە لە ڕاستیی گەلی شەڕڤان تێگەیشتووە، خۆڕاگری خۆی گەشتر دەکاتەوە و فاشیزمی ئاکەپە و مەهەپەش تێک دەشکێنێت. لەسەر ئەم بناغەیە بانگەوازی ئاڕاستەی گەلی کورد و دوستانی گەلی کورد و ئەو ژنانەی بوون بە هێزی ئازادی و دیمۆکراسیی مرۆڤایەتی، گەلانی ڕۆژهەڵاتی ناوەڕاست دەکەین کە لە دەوری تێکۆشانی گەریلاکان کە بوون بە هێزی شۆڕشگێریی هەموو گەلان، تێکۆشانیان بەرفراوانتر بکەن، ئێمە کوردستانی ئازاد و ڕۆژهەڵاتی ناوەڕاستی دیمۆکراتیک بونیاد دەنێین.[1]