ناوەندی ڕاگەیاندن و چاپەمەنی هەپەگە لە چوارچێوەی هەڵمەتی شۆڕشگێڕیی هەڵۆکانی زاگرۆس و شەهید ساڤاش مەرەشی جەنگی خابوردا ئاماری شەڕی 8 مانگی ڕابردووی لەنێوان 14ی نیسان بۆ 14ی کانونی یەکەم ئاشکرا کرد.
لە ڕاگەیەندراوی #هەپەگە#دا هاتووە: لەبەرانبەر هێرشە داگیرکەرییەکانی سوپای تورکی داگیرکەردا کە لە 14ی نیسانی 2022 بۆ سەر باشووری کوردستان بە مەبەستی داگیرکردن دەستیپێکردووە، بەرخودانی مێژوویی گەریلاکانی ئازادیی کوردستان هەشت مانگی پڕکردەوە. ڕژێمی #ئاکەپە# - مەهەپەی فاشیست کە بە لەناوبردنی ڕاستی کوردی ئازاد و کوردستانی ئازاد دەیەوێت سیاسەتی قڕکردن سەربخات، لە بەردەم ئەو پلانە چەپەڵەیاندا بزووتنەوەی ئازادی کوردستان بە گەورەترین بەربەست دادەنێت. سوپای تورکی کۆلۆنیالیست کە بە پاڵپشتی بێکۆتایی تەکنەلۆژیایی ناتۆ و نۆکەران ویستیان لەماوەیەکی کورتدا ئامانجە چەپەڵەکانیان بەدەست بهێنن، لەبەرانبەر جەنگاوەرانی ئاپۆیی، کە هەر بستێک و بەردێکی کوردستانیان کردووەتە گۆڕەپانی بەرخودان، بە گیانبازی شەڕدەکەن ڕوویان کردووەتە سەرکەوتن، جارێکیتر بێ ئەنجام مایەوە. سەرباری هەلومەرجی دژوار و دەرفەت و توانای کەم، گەریلاکانی ئازادی کوردستان بە ئیرادەیەکی پتەو لە سەنگەرەکانی شەڕدا تێدەکۆشن، لە ڕێگەی تیمە گەڕۆکەکانەوە هەموو دەرفەتێک بۆ چالاکی دەقۆزنەوە و گورزی قورس لە داگیرکەران دەوەشێنن. بەم جۆرە جارێکیتر بە تەواوی جیهانیان نیشاندا کە هێزی پاراستنی ئاییندەی شکۆمەندی گەلەکەمانە و گەریلایەتی مۆدێرنیتەی دیموکراتیک کە بووەتە هیوای ئاییندەی ئازادی گەلانی ژێردەستە نابەزێت.
$دەوڵەتی تورکی داگیرکەر 3152 جار بە چەکی قەدەغە هێرشی ئەنجامداوە$
سوپای تورکی داگیرکەر کە لە هەرێمەکانی #زاپ#، #ئاڤاشین# و #مەتینا# لەبەرانبەر بەرخودانی گەریلادا گەیشتووەتە بنبەست، جارێکیتر پەنای بۆ ڕێگە و ڕێبازی شەڕی نائەخلاقی و نایاسایی برد و گۆڕەپانەکانی بەرخودانی بە بۆمبی قەدەغە و چەکی کیمیایی بۆردومان کرد. سەرباری ئەوەی زۆر بە بەڵگە خرایەڕوو کە بە بەرچاوی جیهانەوە تاوانی شەڕ ئەنجام دەدات، سوپای تورکی داگیرکەر لەو بێدەنگیە کوشندەیەی بەرانبەر هێرشە قڕکارییەکان بۆ سەر گەلی کورد هێز وەردەگرێت و هێرشەکانی لە دژی مرۆڤایەتی زیاتر دەکات، بە شێوەی سیستماتیک درێژەیان پێدەدات. سوپای تورکی تاوانباری شەڕ لە ماویە 8 مانگدا 3152 جار بەو بۆمبانەی لەسەر ئاستی نێونەتەوەیی قەدەغەن (بۆمبی فۆسفۆڕ، بۆمبی تەرمۆباریک، بۆمبی ئەتۆمی تاکتیکی) و چەکی کیمیایی هێرشیان کردە سەر سەنگەرەکان و تونێلەکانی شەڕی هێزەکانمان، بەم جۆرە تاوانی شەڕ و دڕندەیی گەورەی ئەنجامدا. هێلی هاوکاری، خیانەت و نۆکەرایەتی لە کوردستان بە شێوەیەکی ئاشکرا پشتیوانی دەوڵەتی تورکی داگیرکەر دەکات، بۆ داگیرکردنی کوردستان ڕێگەی بۆکردەوە، هەوڵیدا لە زۆر گۆڕەپاندا گەریلا گەمارۆ بدات، لە پشتەوە خەنجەر لە بەرخودانی گەریلا دەدات کە بۆ پاراستنی کوردستان تێدەکۆشن و سەرباری بانگەوازی گەلەکەشمان ئەو هێڵە خراپەکارییەی درێژە پێدەدات. سەرەڕای ئەو هێرشە نامرۆڤانەیەش گەریلاکانی ئازادی کوردستان بە گیانی فیدایی ئاپۆیی پتەو لە هەموو سەنگەرەکانی شەڕ درێژە بە بەرخودانێکی بێ پسانەوە دەدەن و نەبەزی ئیرادەی ئاپۆییان جارێکیتر بە بەرجستەیی نیشاندا.
$گەریلا هەناسەی لە سوپای تورکی بڕیوە$
گەریلاکانی ئازادی کوردستان بە جێبەجێکردنی شەڕی گەلی شۆڕشگێڕ لەسەر هێڵی سەرکەوتن بە هەنگاوی بڕوابەخۆیانە ڕێدەکەن، تاکتیکی گەریلای سەردەمی نوێ پێکەوە بەکاردەهێنن، گورزی قورس لە سوپای تورکی داگیرکەر دەوەشێنن، تونێلەکانی شەڕ و گۆڕەپانەکان بە شێوەی شارەزایانە بەکاردەهێنن و بەشێوای شەڕی تیمی پسپۆڕانە نیشانیاندا کە دەتوانن هەموو جۆرە هێرشێک شکست پێبهێنن. لە دژی داگیرکەری لە چوارچێوەی هەڵمەتەکانی هەڵۆکانی زاگرۆس و شەهید ساڤاش مەرەشی جەنگی خابوردا هێزەکانمان بە بۆسەنانەوە، چوونە سەر، سابۆتاژ، نیشانشکینی، چەکی قورس، شەڕ، چالاکی گەریلایی هەماهەنگ و ئۆپراسیۆنی شۆڕشگێڕی وەڵامیان دایەوە. لەماوەی مانگی ڕابردوودا 299 و لە هەشت مانگی ڕابردووی شەڕیشدا بە گشتی 2852 چالاکی گەریلایی ئەنجامدران. بەو چالاکییانە لە گۆڕەپانەکانی شەڕدا هەناسە لە سوپای تورکی فاشیست بڕدرا. لە ماوەی هێرشە داگیرکەرییەکاندا 2744 داگیرکەر سزادراون، کە 12یان کۆنترا، 20یشیان سەربازانی پلەداربوون و 385 داگیرکەریش برینداربوون. لە ئەنجامی ئەو چالاکییە بەهێزانەی گەریلادا کە چ هاوین و چ زستانیش لە هەموو وەرزەکاندا بە ئیرادە و شارەزاییگەورەوە ئەنجامدران، سوپای تورکی فاشیست کە لە ڕووی ورە و ئیرادەوە سکستی هێناوە بۆ ئەوەی بتوانێت خۆی لە دۆخی چەقبەستوو و بنبەست ڕزگار بکات، وەزیری شەڕ خولوسی ئاکار کە ئەو شەڕە چەپەڵە بەڕێوەدەبات، زۆر جار هاتە سەر سنوور، هەوڵیدا شکستی خۆی بشارێتەوە، بەڵام نەیتوانی. سوپای تورکی فاشیست کە ژمارەی سەربازە کوژراوەکان و ناوەکانیان ئاشکرا ناکات، تەرمەکانی سەربازانی بە فڕۆکەی شەڕ، هەلیکۆپتەری هێرشبەر، کاتیوشا و هاوەن بۆردومان دەکات و دەیانسوتێنێت و لە ناو کیسەدا لە شاخەکان هەڵیاندەدا خوارەوە و هەوڵدەدات لەناویان ببات، لە ڕێگەی ڕاگەیاندنی شەڕی تایبەت و بە هەواڵی سەرکەوتنی ساختەوە هەوڵ دەدات شکستی خۆی بشارێتەوە. سەرباری ئەوەی تەرمی ئەو سەربازانە لەژێر دەستی گەریلادان ناسنامە و دیمەنەکانیان لەلایەن هێزەکانمانەوە بڵاوکراونەتەوە، سوپا و دەوڵەتی تورکی داگیرکەر بە نەبینراو دایدەنێن و بۆ ئەوەی شەڕی چەپەڵی خۆیان سەربخەن، خاوەنداری لەسەربازانی خۆیان لە گۆڕەپانەکانی شەڕ ناکەن، بەم جۆرە دەریدەخات کە سەربازەکانی خۆیشیان هیچ بەهایەکیان بەلای ئەوانەوە نییە.
تێکۆشانی ئێمە کە لەگەڵ فەرماندەی نەمرمان عەقید (مەعسوم کۆرکماز) دەستیپێکرد و لەسەر هێڵی سەرکەوتن بەڕێوەچووە، بە زیلان بووە گیانبازی، بە بێریتان لە بەردەم خۆبەدەستەوەدان و خیانەت بووە بەربەرست، لەگەڵ ڕەشید سەردار بووە دیوارێک لە دژی داگیرکەری. لەبەرانبەر هێرشی داگیرکەری هەر گەریلایەکمان لە گۆڕەپانەکانی بەرخودان لەسەر هێڵی سەرکەوتنی فەرماندە عەقید ڕێدەکەن و بە سەدان زیلان و بێریتان، سارا و ڕوکەنی نوێیان ئافراند. هاوڕێیانمان سەریان لە بەردەم زۆر و دژواریدا دانەنەواند، لەناو هەموو هەلومەرجێکی دژوار و بێ دەرفەتیدا شەڕیان کرد، بوونە نموونەی بژاردەی هێڵی گیانبازی و شوێنی خۆیان لە مێژووی تێکۆشانی گەلەکەماندا کردەوە.
سوپای تورکی داگیرکەر توانا تەکنەلۆژیاییەکانی هەمووی خستووەتەگەڕ، بە دەیان هەزار سەرباز، کۆنترا و چەتەوە بە سەدان جار هێرشی داگیرکەری کرد و هەموویان لەلایەن هێزە پرۆفیشناڵەکانمانەوە شکستیان پێهێنرا. لەو گۆڕەپانانەی کە داگیرکەران بانەگشەیان دەکرد تیادا باڵادەستن ژمارەیەکی زۆر چالاکی گەریلا ئەنجامدران. لەباکوورەوە تا باشووری کوردستان هێزەکانمان لە هەر بستێکی خاکی کوردستان بە شێوەیەکی بێوچان درێژە بە بەرخودان دەدەن، گورزی قورس لە سوپای تورکی فاشیست دەوەشێنن. ئەو چالاکییانەی کە هێزەکانمان ئەنجامی دەدەن و ڕاستی شەڕەکە لەلایەن گەریلا تی ڤییەوە تۆمار دەکرێت، بۆ ڕای گشتی بڵاودەکرێتەوە و ئەو ڕاستیەی کە سوپای تورکی داگیرکەر هەوڵ دەدات لە ڕێگەی میدیای شەڕی تایبەتەوە بیشارێتەوە، بە شێوەی ڕوون و بەرچاو نیشانیدەدات.
گەریلاکانی ئازادی کوردستان کە لەبەرانبەر هێرشەکانی لەناوبردن و قڕکردن لەسەر گەلەکەمان بە شێوەیەکی گیانبازی شەڕ دەکن، نەریتی تێکۆشانی شەهیدانیان کردە بنەمایەکی بەرخودان و لە ماوەی 8 مانگدا تێکۆشانێکی بێهاوتایان بەڕێوەبرد. لەم تێکۆشانەدا 199 هاوڕێمان تا دوا هەناسەیان شەڕیان کرد و شەهیدبوون. گەریلاکانی ئازادی کوردستان لەسەر بنەمای ئایدۆلۆژی ئاپۆیی بوونە ڕێبواری ڕێگەی شەهیدان، لەو ڕێگەیە لایان نەدا، ڕێبازی ژیان و تێکۆشانی ئاپۆییان بێ دوودڵی جێبەجێ کرد، جارێکیتر نیشانیاندا کە خاوەنی هێز و بڕیارداری سەرکەوتنن.
$ئاماری شەڕی 8 مانگ$
ئاماری شەڕی 8 مانگ لەنێوان 14ی نیسان و 14ی کانونی یەکەم بەم جۆرەیە:
ئەو چالاکیانەی لەلایەن هێزەکانمانەوە ئەنجامدراون:
-بەشێوازی بۆسەنانەوە، چوونەسەر، سابۆتاژ، نیشانشکێنی، چەکی قورس، شەڕ، چالاکی ڕێکخراو و هەماهەنگی گەریلا، هێزی پاراستنی ئاسمانی و ئۆپراسیۆنی شۆڕشگێڕی بە گشتی 2852 چالاکی ئەنجامدران.
ئەنجامی چالاکییەکانی هێزەکانمان:
-2744 داگیرکەر سزادران، کە 12یان کۆنترا، 20یان پلەدارن.
-385 داگیرکەر برینداربوون.
ئەوەندەی کە هێزەکانمان دەستنیشانیان کردووە هەرێمەکانی پاراستنی مێدیا بە تایبەتی گۆڕەپانەکانی بەرخودان:
-3897 جار بە فڕۆکەی شەڕ بۆردومان کراون.
-5433 جار بە هەلیکپتەری هێرشبەر بۆردومان کراون.
- 3152 جار سەنگەر و تونێلەکانی شەڕ بەو بۆمبانەی لەسەر ئاستی نێونەتەوەیی قەدەغەن وەک (بۆمبی فۆسفۆڕ، بۆمبی تەرمۆباریک، بۆمبی ئەتۆمی تاکتیکی) و چەکی کیمیایی بۆردومان کراون.
$ئەو چەک و کەلوپەلانەی دەستیان بەسەردا گیرا$
14 چەکی ئێم پی تی -55
4 دوربینی چەکی ئێم پی تی -55
4 چەکی ئەی کەی -47
3 چەکی جی -3
4چەکی بۆمبهاوێژ
2 چەکی ئێم 16
2 چەکی ئێچ کەی -416
چەکێکی بی کەی سی
چەکێکی ڕۆکێتهاوێژی ب-6
چەکێکی ئێم پی تی – 66
4 دەمانچە
4 فیشەکی بۆمبهاوێژ
848 فیشەکی ئێم -16 و بی کەی سی
18 نارنجۆک و ژمارەیەکی زۆر بۆمبهاوێژی دووکەڵ
4 هێلەکی هێرش (پۆڵا)
4 قەڵغانی پۆڵا
3 ڕەخت
12 مەخزەن
7 دوربینی شەو/رۆژ
4 دوربینی تەرماڵ
4 لەیزر
2 ئامێری دەستنیشانکردنی لەیزر
کامێرایەکی تەرماڵ
دوربینێکی لەیزەری
4 سیستمی کامێرای حەراری
4 کامێرا کە لەسەر سەر دەبەسترێن
سیستمێکی ڕاداری گەڕۆک
44 کیلۆگرام تەقەمەنی
4 مین
ئامێرێکی تەقاندنەوەی مین
مین دۆزەرەوەیەک
8 تەلەفونی دەستی
4 بێتەل
پانێلێکی وزەی خۆر
کۆمپاس (ئامێری دۆزینەوەی ئاڕاستە)
5 چەقۆ (قەمە)
6 جانتای سەربازی
2 کڵاوی سەربازی
2 کاسکێت
9 لایت
2 ئامێری بارگاویکەری وزە یو پی ئێس
4 سەرچاوەی وزەی
2 شریت تی ئێن تی، سی 3
پارچەکانی سیستمی کامێرای حەراری
چەکێکی تایبەتی نیشانشکێنی
ئەو ئۆتۆمبێل و کەرستە سەربازیانەی لەلایەن هێزەکانمانەوە لەناوبران:
8 هەلیکۆپتەری سکۆرسکی
3 هەلیکۆپتەری هێرشبەر
2 تانک
17 ئۆتۆمبێلی زرێپۆسی سەربازی
4 ئۆتۆمبێلی حەفارە
72 سیستمی کامێرای حەراری
53 درۆن
8 ڕادار
5 کامێرای تەرماڵ
2 تلیسکۆپ
3ئامێری بڕینی سیگناڵ (ژاممەر)
5 سێنسۆڕی گەڕۆک
2 ئامێری گوێگرتن لە پەیوەندی دەنگی
وێنەهەڵگرێکی ئۆتۆماتیک
کۆنتینەرێک
137 سەنگەر
42 جانتای سەربازی
کافتریایەک
سیستمێکی گواستەنوە کازی کیمیایی
جبەخانەیەک
7 چەکی ئەی 4
2 چەکی بی کەی سی
300 کیلۆگرام تەقەمەنی
12 داو و تەڵەی تەقاندنەوە
2 سەنگەری ئەی 4
داوی چەکی کیمیایی
2 ئامێری هەوا
2 بۆمبهاوێژ
چەکێکی ئەی تی -4
قەڵغانێک
بلاجکتۆرێک
کۆگایەکی خۆراک
ئەو کەرستە سەربازیانەی هێزەکانمان گورزیان لێوەشاندوون:
48 هەلیکۆپتەری سکۆرسکی
32 هەلیکۆپتەری هێرشبەر
19 سەنگەر
12 درۆن
9 حەفارە
6 ئۆتۆمبێلی سەربازی زریپۆش
3 خێمەی سەربازی
کۆنتینەرێک
[1]
ﮪ . ب