ئەو کەسانەی قۆڵۆنیان هەیە، پێویستە سیستمی خۆراکییان جیاوازبێت لە کەسێکی ئاسایی، چونکە هەندێک جۆری خۆراک تەندرووستە بۆیان و هەندێکی دیکە بە پێچەوانەوە، زیانی هەیە، هەر بۆیە باشترە بە پێی ئەم ڕێنماییانە سیستمی خۆراکییان ڕێکبخەن کە دکتۆر هەڤاڵ محەمەد، پزیشکی پایەبڵندی هەناوی خستویەتییەڕوو.

1. خواردنی سێ ژەمەکەی خۆراک بە ڕێکوپێکی.
2. نان خواردن بەهێواشی.
3. تەرک نەکردنی هیچ ژەمێک یان چەند ژەمێک نان نەخواردن.
4. خواردنەوەی لانی کەم 8 کوپ ئاو لە ڕۆژێکدا.
5. کەم خواردنەوەی چا و قاوە.
6. کەم خواردن و خواردنەوەی ساردەمەنی.
7. کەم خواردنی ئەو خۆراکانەی ڕیشاڵیان زۆرە وەکوو (نانی بۆر، برنجی بۆر، فاسۆلیا و پاقلەمەنییەکانی دی).
8. کەم خواردنەوەی شەربەتی میوەی فرێش.
9. بۆ ئەوانەی غازاتیان زۆرە خواردنی شۆفان بە سوودە. [1]