لەنێو هۆڵی هۆتێل پلازا لە شاری سەلالەی وڵاتی عەمان یارییەکانی پاڵەوانێتی شەتڕەنجی یانە پاڵەوانەکانی وڵاتانی عەرەبی بەردەوامە و لەو چوارچێوەیەشدا و لە دووەم ڕۆژی ڕکابەرییەکانی جەولەکانی دووەم و سێیەمی یارییەکان ئەنجام دران.
لە یەکەم یاری ئەو ڕۆژە کە سەرلەبەیانی ڕۆژی شەممە #05-10-2024# بەڕێوەچوو کوڕە بیرمەندە پێشمەرگەکان بە ئاستێکی باڵا لە بەرانبەر یانەی سوهامی یەمەنی بینران و بە ئەنجامی 4-0 بردنەوەیان بەدەست هێنا.
ئەمە و لە هەمان ڕۆژ و سەر لە ئێوارەکەی دا، پێشمەرگەکان لە بەرانبەر شاریقەی ئیمارات یاریان کرد و لەو یارییەدا و دوای ڕکابەرییەکی بەهێز دووبارە توانیان، پێشمەرگە ئاسا سەرکەوتووبن بە ئەنجامی 2 نیو خاڵ بەرانبەر بە 1 و نیو خاڵ.
سەبارەت بەو سەرکەوتنەیان لە شاری سەلالەی عەمانەوە #ئەسعەد ئیسماعیل# سەرپەرشتیاری گشتی تیمی شەتڕەنجی یانەی پێشمەرگە بۆ پێشمەرگە سپۆرت وتی، هەنگاو بۆ سەرکەوتن و نازناو دەنێین و ئاستی بیرمەندانمان شێرئاسا بوون و پاڵەوان بوون کە خۆشبەختانە لە سێ یاریمان توانیمان سەرکەوتن بەدەست بهێنین.
هەروەک ئاماژەی پێدا کە ئێمە وەک پێشمەرگە دەجەنگین و جەنگاوەرانیشمان پیشەگەرانە یاری دەکەن بۆ سەرکەوتنەکان و نازناوەکان. [1]