لەنێو هۆڵی هۆتیل پلازا لە شاری سەلالەی سەڵتەنەی عەمان ڕکابەرییەکانی پاڵەوانێتی شەتڕەنجی یانە پاڵەوانەکانی وڵاتانی عەرەبی بەردەوامە و تێیدا و لە جەولەی شەشەم و پێش کۆتایی ئەو پاڵەوانێتییە و لە یارییەکی بەهێزدا بیرمەندانی پێشمەرگە ڕووبەڕووی تیمی شەتڕەنجی یانەی سەلالەی خاوەن شار و وڵاتی میوانداری پاڵەوانێتییەکە بوونەوە.
لەو یارییەدا و لە سەرەتاوە یاریزانە ئاستبەرزەکانی پێشمەرگە توانیان کۆنترۆڵی چرکەی کاتژمێری یارییەکانیان بکەن و بە ئەنجامی 4-0 خاڵ سەرکەوتنیان بەدەست هێنا.
ئەمە و بەو بردنەوە بەنرخە ئاڵتونییەیان پێشمەرگەکانی نوێنەری خاک و نیشتمان توانیان نازناوی پاڵەوانێتییەکە بەدەست بهێنن کە 10 یانە تێیدا ڕکابەر بوون.
سەبارەت بەو ئەنجام و نازناوەیان #ئەسعەد ئیسماعیل# سەرپەرشتیاری گشتی تیمی شەتڕەنجی یانەی پێشمەرگە بۆ پێشمەرگە سپۆرت وتی، بردنەوەمان لەو یارییەدا کردینە خاوەن نازناو و جام و میدالیا ئاڵتونییەکان.
هەروەک وتیشی لە شاری سەلالەی عەمانەوە پیرۆزبایی لە خۆمان و تەواوی ئەندامانی دەستەی کارگێڕی یانەکەمان و سەرجەم هاندەرانمان دەکەم بۆ بردنەوەی نازناوێکی عەرەبی کە 10 یانەی ئاست بەرز تێیدا ڕکابەر بوون.
داوجار ئەسعەد ئاماژەی بەوەشکرد کە لە ڕۆژی چوارشەممە ڕێکەوتی #09-10-2024# و لە کاتژمێر 9:00 ی سەر لە بەیانی دوا یاریان لە بەرانبەر یانەی جەمعییەی فەڵەستین ئەنجام دەدەن و ئەنجامی ئەو یارییەشیان کاریگەریی لەسەر ڕیزبەندی کۆتاییان نابێت کە توانیویانە تێیدا میدالیای ئاڵتون و جامی یەکەمی ببەنەوە.[1]