د خەونا خوەدا من دی گولەک؛ هشیار دبووم وێ ساعەتێ
ئاخین ژ من چوونە فەلەک؛ سەبر و قرارا من نەتێ
سەبر و قرا ڕا من نەما؛ نالین ژ من چوونە سەما
زێدە ل سەر من بو غەما؛ لەورا کو کالینا مە تێ
لەورا دنالم دل کولم؛ هەردەم ژ عشقا بلبلم
ژ دەردێ فراقێ د حەلم؛ ڤەدخۆم پەیالا شەربەتێ
گەه ئەووەلی گەه ئاخری؛ ژ نەقشێ تەرا سەد ئافەری
کەس نامینی ژ ڕەنگێ بەری؛ ئیللا کو شاهێ قودرەتێ
جوملە ئەشیا فەنا دبن؛ ژ ڕەنگێ بەرێ تەبدیل دبن
ژ کەیفییەتێ مەعزول دبن؛ عاشق د بینن عبرەتێ
#فەقێ تەیران# [1]