ب دەستوری خودێ
ژ گۆتنێت ئەولییە
بێژنە خاسێت شیخادییە
ناڤێ خودێ ل عەردا حەقییە
***
چەند سەبەقە ژ قەولێ د عەمرەکی دا مامە
عەزیز من ھندی ئەز دگەرێم من فەلەک نینە
ھەکە قەولەکی بێژم دێ بێژن وەنینە
ھەکە ئەز خێرەکەێ بکەم دێ بێژن چەندی دینە
و ھەکە ئەز حەکیاتەکێ بکەم دێ بێژن ئەڤە چەندی دەرەوینە
***
وەرن کەسەکی مەعریفەت ھەیە ل بال
خاسێت شیخادی مان ل خیال
کێ دیتیە ئاشقبت ئی بێ ھەڤال
***
ژ ملکا و شاخا
ل وان سۆر گولا ل وان باغا
کێ دیتیە ئاشقێت بێ ئاخا
***
ئاشقێت پەستا ھەنە
ئەو ژ تاریێ دەنگ دکەنە
رۆژا ئاخرەتێ د کۆرەنە
***
ئاشقێت پەستا د زاڤن
ھاوری شارا دۆرێت وان ھەموو شەبەک و داڤن
ل رۆژا ئاخرەتێ د کەڕن و د کۆرن و دبێ چاڤن
***
ئەو بوون ئاشقێت پەستا
وان ڤەنەخواریە ژ کاسا مەستا
لەو بۆڕێت وان ل مەزن مەیدانا مەلەکا د وەستا
***
کاس ژ قودرەتێ دۆلی ژ دودەکە ئەلماس
من ل وێ دیتبوون خۆشی و شاھی دەف و شباب موغنی و تەمبور و ئەغلەر و شاز
سولتان ئێزی مرازێت مە و حازرا حاسل بکەت و چی کەسێ مراز خواز
***
برمە دیوانا باطنێ
سێ سەد و شێست و شەش عالم وێ دکەن خوندنێ
سەرێ حەمووا سولتان ئێزی ئێکی ب تنێ
***
یێ تەمام خودێ یە[1]