ب دەستووری خودێ
ھات چارشەمبووا فاخری
یا تاووسی مەلەک توی قادری
تە پیرانی داھر کر و کرە رکن ژ ئەولی
***
چەند سەبەقێن پیرۆز ژ قەولێ بەیگۆیا
ئیلاھیۆ توی ھەقی
بەیگۆیا بکەی شەقی
شێخ فەخرێ ئادیا ئی سادقە یی سەخی
***
وەی ل بەیگۆیا و عەوانا
شێخ فەخرێ ئادیا دلێ وان خالی نەکەت ژ ئێش و ژانا
ئەو چوو ب چاڤێ خۆ نابینن
ئەوێ ل شێخ فەخرێ ئادیا دکەن بوختانا
***
وەی ل بەیگۆیێت کفرێ
مەلک فەخرەدین لێکر نفرێ
شێخ فەخرێ ئادیا ب چەنگلێ وان گرت و ھاڤێتنە ناف بەفرێ
***
بەیگۆ ئی وەھا بی
ل ھەرشا بەفر و با بی
ھشکە سالەکێ ل کانونێ لێدا بی
دا بەیگۆ ب ھەق جزا بی
***
وەی ل بەیگۆیێت روو ئاسن
ل دیوانا د تیژن وەکی ئالماسن
سلتان ئێزی ب ھەق نەناسن
***
مالا من ئاڤا بی
مێرێ عنکار ئەگەر پاشا بی
دلێ من قەد پێ خوەش نا بی
***
عنکار کو د عنکری
ھەکە ھەقی ھات و بو داھری
جیەک نینە ئەو لێ ب سەبری
***
ھوون عنکارا ب حەق نە بینن
ژ دووری تەریقەتێ بخوینن
ھەکە چو نەدەنێ قسمەتەک ل گەل بت وی ژی ژێ بستینن
***
ھەکە ئی عنکارە مەزنێ گوندا
ئی نەفس کوبار نەی نەفس کندا
ئەو دێ ل ئۆغلەما سلتان ئێزی دا بت ھندا
***
ھەکە ئی عنکارە مێرێ میرە
خۆفا جدێ وی نێتە بیرە
گرتیێت وان خالی نابن ژ زنجیرە
***
ھەکە ئی عنکارە شێخێ تەیە
ب ھەقی رێیا شیخادی و مەلک شێخ سن سەر تە ھەیە
بخەبتە و پیرینیەکێ لێ بکە
قسمەتەکی د بنێ ل خورچکێ بکە
دەستێ وی راموسە و ب سلامەتی ژ مالا خۆ ڤرێکە
***
ھەکە ئی عنکارە مێرێ پیرە
خۆفا جدێ وی نێتە بیرە
دەستێ وی راموسە ژ وی ھەرە دوورە
***
ھەکە ئی عنکارە مێرێ کۆچەکە
ھەکە ئی ب وەکازە ھەکە ئی ب چەکە
مەلک فەخرەدین خلمەتا وی ژی قەبول نەکە
***
ھەکە ئی عنکارە مێرێ قەوالە
خودانێ دەفا ب شەش مالە
وێ د گەرێت مال ب مالە
ھەکە ماشێ خۆ ب حەرامی د خوارە
ل ئاخرەتێ ئی بێ ملکە ئی بێ وارە
***
ھەکە ئی عنکارە مێرێ د بەر دکەن خەرقەیە
ھەکە رۆژێ سێ جارا عەبادەتا خەرقێ خۆ نەکەیە
جیێ ڤاڤارتی ژێرا تەنگی و تەعلی و دۆژەیە
***
ژ قەولێ مسکین تاژدینە
ھنجی مێرێ شێخ و پیر و ھۆستا و مەرەبی و یا و برێت ئاخرەتێ نینە
جی بۆ وان ڤاڤارتی تەنگی و تەعلی و دۆژە و قیر و قەترانە
ھەتا کوو ئەبەد ئەل ئابدین ئەو جیێ وانە
***
یێ تەمام خودێ یە.[1]