هۆزانڤان و ڕۆمان نڤیسێ کوردی عەرەبییە، سەلیم بەرەکات ژدایکبوویێ ساڵا 1951 ل باژێڕێ قامشلویێ یە، هەیا نها ساڵا 2022 خوەدیێ پتر ل 58 پەرتووکانە کو پتری وانا ژبو سەر زمانێن جیهانی هاتینە وەڕگێڕان، ژیێ زاروکی و دەستپێکا گەنجاتیا خوە ل وڵاتێ خوە بوویە، تەڤی کلتوورێ ئاینێن دن وەکە (ئێزیدی و ئاشووری و ئەرمەنی) بوویە و کو ل هەمی نڤیسینێن ویدە ڕەنگڤەدانا خوە هەیە، لێ بارودۆخا سیاسی یا ناهەموارا دەڤەرێ ئەو نەچار کرییە کو دەستبەردارێ زمانێ دایک بیت و ب عەرەبی بنڤیسیت. سەلیم بەرەکات ساڵا 1970 دچیتە دیمەشق ل زانینگەها دیمەشق دەست ب خوەندنا ئەدەبا عەرەبیێ دکەت، لێ پشتی ساڵەکێ واز دهینیت و دچیتە بەیرووت و هەیا ساڵا 1982 لەوێرێ دمینیت، لڤی ماوەیدە (5) پەرتووک نڤیسین و (2) پەرتووکێن بیۆگڕافی و پەرتووکەکە یاداشتا ڕۆژانە بەڵاڤ کرن، ساڵا 1999 دچیتە سوید و لور نیشتەجێ دبیت. زورینەیا پەرتووکێن سەلیم بەرەکات دەربارێ (دیروکا کورد و دەردەسەری و تەنگەژەیا کوردبوونێ)نە ئەڤە تەڤی بەحسکرن و دەرخستنا ئاریشە و نەهامەتی یێن کەسێن (عەرەبی، ئاشووری، شەرکەسی و ئێزیدی) ل سنوورێن دەوڵەتا سووریادا. پەهلەوانێن پەرتووکێن وی هەموو کوردن و ناڤ و ڕەفتارێن وانا کوردینە، بسەرهاتێن وانا ل باژێڕێن کوردی وەکە (#قامشلو#، #مەهاباد# و #سلێمانی# ڕوو ددەن و بەحسا دەردەسەری یێن کوردان دکەن. سەلیم بەرەکات دەبارێ کوردبوونا خۆە دبێژیت: (ئاخۆ ئەز کوردم؟ بەڵێ، دێ با بە سادەیی هاواربکەم و بکارم بێژم ئەز کوردم کو بابێ من ناڤەکە کوردیی هەیە، کو ئەم ب کوردی دپەیڤین، ب کوردی دگەل مریشک و بەرخ و گا و هەنگ و بیستانێن خوە دئاخڤین، هەر هندە!) .
ل ڕۆمانی پەڕدە بەرەکات ل دەڤێ مەم ئازادی پەهلەوانێ سەرەکە یێ ڕۆمانا خوە کو نامەیەکێ ژبو بابێ خوە دنڤیسیت و دبێژیت: (کورد نادوهڕن وەبێژە وانا باب، پشتڕو سەح بکە جگارەیا خوە بێژە کورد نادوڕێن چونکە خوەدیا ئازارا خوەنە) ل چامەیا مەهاباد ژبۆ ئۆڵۆمپیادا خودا کو دەقەکە هەڵبەستییا درێژە دەربارەی تێکشکان و ئازارێن کوردان بەڕەکات بەرێ خوە دکەتە خودێ و دبێژیت: (خودێ خۆ ئەڤە کوردێن تەنە!) سەلیم بەرەکات خوەدیێ خەڵاتا جیهانی یا ماکس جاکۆب و بەربژێرێ خەڵات بووکەریشە.[1]