بەدیع باباجان، ناڤێ وی یێ تمامی بەدیع حسێن باباجانە، سالا 1923 ل باژێڕێ #کەرکووک# ژدایک بوویە، ژبو خوەندنێ چوویە #سلێمانی# و ل ماڵا پسمامێن خوە ئاکنجی بوویە، خوەندنا دەستپێکی ل باژێڕێ سلێمانی تمام کرییە و پشتڕە ڤەگەڕیایە کەرکووکێ و قویناغا ناڤەندی لوێرێ تمام کرییە.
بەدیع باباجان سالا 1945 چوویە پەیمانگەها هونەرێن جوان ل بەغدایێ، سەرباری حەزا وی ژبو ڤێ چەندێ کوو ل پشکا موزیکا ڕوژئاڤایی بهێتە وەرگرتن، لێ ب ئەگەرا هندێ کوو نکارییە نۆتەیان بنڤیسیت لڤێ بەشێ نەهاتییە وەرگرتن، لەوما ب نەچاری چوویە پشکا وێنەکێشانێ و سالا 1950ێ پەیمانگەها هونەرێن جوان یا بەغدایێ تمام کرییە.=KTML_Photo_Begin=https://www.kurdipedia.org/files/relatedfiles/2010/3235/0003.JPG=KTML_Photo_Alt=بەدیع باباجان=KTML_Style=width:15%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/3235/0003.JPG=KTML_Photo_End=
بەدیع باباجان وەکە فەرمانبەرەکێ هونەری ل ڕێڤەبەرایەتییا مەساحەیا گشتی ل بەغدا هاتیە دامەزراندن، ژبەرکو یێ خودان شۆیان بوو سالا 1973 ب ماموستایێ پشکا خوەشنڤیسی و زەخرەفە ل پەیمانگەها هونەرێن جوانا بەغدا هات دامەزراندن و ماوێ چار ساڵان بەردەوام بوویە.
بەدیع باباجان ژبو پەیداکرنا تێچوویێ ژیانێ، ل شەقامێ ڕەشید یا باژێڕێ بەغدا تەڤی خوشنڤیسەک دن بناڤێ مەهدی جبوری نڤیسینگەهەک بناڤێ (الخط العربي) دانا.
بەدیع باباجان سالا 1939-1949 وەکە ئێکەم پێنگاڤا هێڵکاریێ وێنەیێ گۆڤارا گەلاوێژی کێشایە و سالا 1948-1949 ل گۆڤاری نزاردا ب هەمان ئالی دەستەک باڵا هەبوویە.
باباجانێ نیگارکێش سالا 1970 نەخشەیا درووشمێ ئێکەتیا نڤیسەرێن کورد و وێنەیێ بەرگا چەندین پەرتووکان کێشایە، ژوانە: أغانی کوردستان، پەرتووکا #مارف خەزنەدار# سالا 1972، شاهیدانی قەڵای دم دم، کو کۆمەڵە چیرۆکێن #مستەفا ساڵح کەریم#ە، دیوانا #بێخود# و #دیوانی سەلام# و وێنەیێن پەرتووکا کوردی ئەلفبێ ی نوێ و ل خوشنڤیسیشدا دەستەک باڵا هەبوو و چەند پەرتووک ب ئالیەک لاو و ب خەتەک خوەش نڤیسینە.
بەدیع باباجان ڕوژا #15-11-1996# وەغەرا داویێ کرییە و ل باژێڕێ بەغدا هاتیە بخاک سپاردن. [1]