ناڤ: عەزیز
ناسناڤ: موقەدەم عەزیز ئاکرەیی
ناڤێ بابی: ڕەشید عەزیز
ساڵا ژدایکبوونێ: 1924
ڕوژا وەغەرا داویێ: #23-12-1998#
جهێ ژدایکبوون: باژێڕوکێ #ئاکرێ#
جهێ وەغەرا داویێ: باژێڕێ کۆڵن وڵاتێ ئەڵمانیا
$ژیاننامە$
عەزیز ڕەشید عەزیز، بەرنیاس ب (لیوا ڕوکن عەزیز ئاکرەیی، موقەدەم عەزیز ئاکرەیی) ئەفسەر و سیاسەتمەدار، ساڵا 1964 ل کۆنگرەیا شەشەم ب ئەندامێ کۆمیتەیا ناڤەندی #پارتی دیموکراتی کوردستان# هات هەلبژارد، هەر لڤێ ساڵێدە نینەرێ کۆنگرەیا قەڵادزێ (کۆنگرەی دووهەما گەل) بوویە، ساڵا 1964 بوویە ئەندامێ ئەنجوومەنا سەرکردایەتییا شوڕەشێ و ئەندامێ لێژنەیا سەربازی (مەکتەبا عەسکەری) سەرب نڤیسینگەها جێبەجێکار (المکتب التنفیذی) سەر ب ئەنجوومەنا سەرکردایەتییا شوڕەشێ ل باشوورێ کوردستانێ بوویە، ساڵا 1966 ل کۆنگرەیا حەفتە‌‌م ب ئەندامێ کۆمیتەیا ناڤەندی و ئەندامێ مەکتەبا سیاسی یا پارتی دیموکراتی کوردستان هات هەلبژاردن، ل ساڵا 1967 پشکدارێ کۆنفرانسا سەربازی یا ڕامیاری کانی سماق (#هەڤلێر#) بوویە، ساڵا 1970 ل کۆنگرەیا هەشتە‌‌م ب ئەندامێ کۆمیتەیا ناڤەندی و مەکتەبا سیاسییا پارتی دیموکراتی کوردستان هاتییە هەلبژاردن، ساڵا 1973 واز ل ڕێزێن پارتی دیموکراتی کوردستان ئینایە .
عەزیز ڕەشید عەزیز ل ساڵا 1924 ل باژێڕێ ئاکرێ ژدایک بووە، قویناغا سەرەتایی ل باژێروکێ ئاکرێ و قویناغا ناڤەندی ل باژێڕێ موسڵ تمام کرییە، ساڵا 1941 ل دواناڤەندییا سەربازییا بەغدا ب قوتابی هات وەرگرتن، ل ڕێکەفتا #26-09-1942# ل خولا بیست و ئێکەم ل کولێژا سەربازیا بەغدا هات وەرگرتن، ل ڕێکەفتا #30-06-1944# ب پلەیا مولازمێ دووهەم کۆلێژا سەربازی ل پشکا تۆپخانە تمام دکەت، ساڵا 1954 ل کۆلێژا ئەرکان یا بەغدا هاتییە وەرگرتن، ساڵا 1956 ماستەرا سەربازی ل کۆلێژا ئەرکان یا بەغدا وەرگرتییە، ساڵا 1956 پلەیا وی بو ڕائید ڕوکن سەرکەتییە، ساڵا 1957 خولا خوەندنا وێنەیێن ئاسمانی ل بریتانیا تمام کرییە، ساڵا 1959 کۆلێژا ئەرکان ل یەکێتی سۆڤێت تمام کرییە، ساڵا 1959 پلەی موقەدەم ڕوکن ل هەواڵگرییا تیپا سێ یا لەشکری سێ یا سوپای ئیراقێ بوویە، ل ڕێکەفتا #14-07-1959# ل سوپایێ ئیراقێ پلەیا وی بەرز کرییە ژبو موقەدەم ڕوکن ل لەشکری سێ، ل ڕێکەفتا 23-12- 1998 ب نەخوەشی ل باژێڕێ کۆڵن یا کۆمارا ئەڵمانیا وەغەرا داویێ کرییە، ل ڕوژا #23-01-1999# ل گۆڕستانا گەلێ بێسترێ ل ئاکرێ و ل پارێزگەها #دهوک# هاتییە بخاک سپاردن، شارەزایێ زمانێن کوردی، عەرەبی، فارسی، ئینگلیزی و ئەڵمانی بوویە.
$بەرهەمێن بەڵاڤبوویی:$
1-فێربوونا زمانێ کوردی ب لاتینی- 1967.
2-گیانێ مرۆڤ -1968.
3-تۆڵەسەندن-1968، چاپی دووهەم ساڵا 1978 . [1]