Efrîn di bin dagîrkeriyê de (272): Qurbaniyin kuştî û birîndar en sivîl, qutkirina darên zeytûnê, teqîna bombeyeke teqîner, dijayetiyin li ser temenmezinina di malên wan de

Darên zeytûnê yên pîroz (jêdera serekîn a jiyana xelkê herêmê), ji aliyê Milîseyên “Artêşa Niştîmanî ya Sûrî” û anîndeyên jê nêzîk ve bi awakî rêkûpêkirî têne qutkirin, bê wijdan yan yasa û destlatek hebe wan qedexe bike, û encûmenên xwecihî û destlatên Dagîrkeriya Turkî û Hemahengiya/Kiwalisiyona Sûrî – Ixwanî bi hemî pêkhateyên wê ve û Hikometa wê ya Demkî li beramberî vê tewanê bêdeng in, nemaze jî Istîxbaratên Turkiyê berdewamkirina bikaranîna wan binpêkirin û tewanên têvel di dermafê Kurdan û herêma wan de dihevojin û serperşt dikin.
Ev jî hin heyîn û bûynên li ser rewşên serwerkirî ne:
= Ziyanin şênberî û qurbaniyin sivîl:
Di encama berdewambûna avêtina qurşîn û gule û topan di navbera Artêşa Turkî û milîseyên wê ji alîkî ve, û Artêşa Sûrî û hevalbendê wê ji alîkî din ve, li herdu aliyên hevgîhanê li Çiyayê Lêlûn, van bûyeran encam dan:
– Li 28.12.2023an. Z, Gundê “Bênê” yê di bin desteseriya Artêşa Sûriyê de tûşî şeş avêjtekên mûşekî hat, yek jê li herdu malên “Kenco Mihemed El’ewer, Mihemed Xakî Xobarî” ket, û ziyanin şênberî gîhandin wan malan û makîna pîkab a kesê dudiyê.
– Li 1.1.2024an. Z, herdu gundên “Kibêşîn” û “Bircheyderê” yên hevcîwar (ên ku Milîseyên “Feyleq El’şam” desteser dikin) rastî topebaraneke mûşekî hatin, û di encamê de ziyanin şênberî çêbûn û sivîlin hatin kuştin û hin jî birîndar bûn, jê pakrewan (“Yasmîn Lû’ey Îso /20/sal – Kibêşîn a ku dewata wê piştî heftakê bû”, “Ziyad Selûm Hesen /58/sal” û kurê birayê wî “Ziyad Ehmed Selûm /37/sal” – Bircheyder), û herweha (“Resmiyê Xelîl Ebdo – rewşa wê metirsîdar e”, “Rende Mihemed Îso”, “Henîfe Îso Îso”, “Lû’ey Cîhad Îso”, “Xesan Lû’ey Îso”, “Mihemed Lû’ey Îso”) ji xelkê Gundê “Kibêşînê” û zarokek jî ji xelkê Gundê “Bircheyderê” bi rengekî têvel birîndar bûn û hestî şikestin.
“Hersê pakrewan “Yasmîn Lû’ey Îso, Ziyad Selûm Hesen, Ziyad Ehmed Selûm”.”
“Topebarankirina Gundê “Kibêşînê” – Çiyayê Lêlûn, 1.1.2024. Z.”
– Li 6.1.2024an. Z, Artêşa Turkiyê û Milîseyên wê Gundên “Bênê, Aqûbê, Soxanakê” (yên ku di bin desteseriya Artêşa Sûriyê de) topebaran kirin, û di encamê de ziyanin şênberî gihîştin malan, û hemwelatiyekî ji koçberên #Efrîn# ê mekin birîndar bû.
= Girtinine bêsûcane:
Li 31.12.2023an. Z, Hemwelatî “Weqfî Elo /40/sal”, ji aliyê Istîxbaratên Turkiyê û Milîseyên “Asayêşa Leşkerî” ve hate girtin, bi tuhmeta têkeliyê bi Rêvebiriya Xweser a berê re, piştî vegera wî ji ciyê penaberiyê bo bajarê xwe Cindirêsê û rastîhatina wî ji lêkolîn û bendkirina demkî bêtirî carekê, û ta niha bêsûcane girtî ye.
= Qutkirina darên zeytûnê:
– Di hefta dawîn de ji sala borî – bi şev, giropek ji endamên Milîseyên “Firqit El’hemzat” – ji Êla “Benî Zêd”, ji anîndeyên ku li Gundê “Firêriyê” – Navça Cindirêsê rûniştine, beşê herî mezin ji dora /230/ darî zeytûnê (/130/dar ên “Ekrem Sîdo/Pelkut”- Gundê Qurbê, /20/dar ên “Ebid El’rehman Mûse” – Gundê Qurbê, /40/dar ên “Salih Mihemed” – Gundê Hemêlkê ê hevcîwar, /40/dar jî yên “Xelîl Şerîfî” – Gundê Firêriyê yê hevcîwar) bi birekê elektirîkê qut kirin, piştî kesixandina wan ji aliyê xwediyan ve, lê destlatên xwecihî û serkêşên milîseyên ku wan gundan desteser dikin (Zenkî, Hemzat, El’şerqiyê) beramberî wan tewanan û giliyên ku ji xelkê ve hatine pêşkêşkirin tu tişt ji cî nelivandin; Û were zanîn jî ku makînên êzing hilgirtine di rêbendên wan re derbas bûn.
“Qutkirina darin zeytûnê li nêzîk Gundê “Qurbê” – Navça Cindirêsê, yên Hemwelatî “Ekrem Sîdo/Pelkut”, ji perçevîdiyoke belavkirî, ji aliyê çalakvanê ragîhandinî “Ehmed El’berho” ve, li dîrok 3.1.2024. Z.”
– Li vê dawiyê, li cîgeh û gundên di bin desteseriya Milîseyên “Firqit El’hemzat” û di bin çavdêriya rêbendên wê de, beşekî mezin ji (/50/ darî “Mehmûd Îbiş”, /13/dar ên “Ebid El’rehman Îbiş”, /13/dar ên “Fîdan Îbiş”, /8/dar ên “Şêx Ehmed Hecîlo” – ji xelkê Gundê “Keferdelê Jêrin” û /7/ dar jî yên “Xelîl Ebid El’hemîd” ji xelkê Gundê “Maratê”) qut kirin, li cîgeheke hember balafirgeha çandiniyê û piştî Çateriya “Enderiyê” – Riya Efrîn û Cindirêsê, û berî çateriyê jî li Cîgeha “Xirêbê” /30/darî “Mistefa Resûlo” ji “Keferdelê Jêrin”; Û li Cîgeha “Qeracî Pe’inik” li Gundê “Maratê” jî (/15/dar ên “Ibrahîm Eşbokê” û /7/dar ên “Ehmed Osman Eşbokê”), bê ku ew milîs guhdanê bidin giliyê xwediyên zeytûna.
“utkirina darin zeytûnê yen xelkê Gundê “Keferdelê Jêrin”, ji perçevîdiyoke belavkirî, ji aliyê çalakvanê ragîhandinî “Ehmed El’berho” ve, li dîrok 1.1.2024. Z.”
“Qutkirina darin zeytûnê li Gundê “Maratê”, destpêka Rêbendanê 2024. Z.”
– Li vê dawiyê, /8/dar ên “Mihemed Cimo Cimo” ji xelkê Gundê “Aşkê Şerqî” – Navça Cindirêsê bêwijdan qut kirin, li cîgeheke di bin desteseriya Milîseyên “Ehrar El’şerqiyê” de.
– Li 1.1.2024an. Z, Milîseyên “Firqit El’sultan Mûrad” /25/dar ên malbata Dilovanber “Ebid El’henan Ebdo” li Gundê “Keferomê” – Navça Şera bi rengekî nêzîkî giştî qut kirin.
“Qutkirina darin zeytûnê yen Malbata “Ebid El’henan Ebdo” li Gundê “Keferomê” – Navça Şera.”
= Geregoşî û serberdayetî:
Li Êvara Înê 5.1.2024an. Z, bombeyeke teqîner di îçî xezanek gemarê de -li nêzîk nanpêjxaneya “Ebû Îmad” ya otomatîk li orta Kolana Reco ya serekîn – Bajarê Efrînê teqiya, û di encamê de ziyanin şênberî çêbûn, û zarokek û du mêr jî mekin birîndar bûn – li gor “Berevaniya Sivîl li Efrînê”.
“Teqandina bombeyeke teqîner di hundir/îçî xezanê gemarê de, li orta Kolana Reco li Bajarê Efrînê, li Êvara 5.1.2024an. Z.”
= Binpêkirinine din:
– Li şeva 26.12.2023an. Z, li Gundê “Qota” – Navça Bilbilê, yê ku Milîseyên “Firqit El’sultan Mûrad” desteser dike, du çekdaran mala hemwelatiyê Kurd “Reşîd Şêxo /65/sal” basmîş kir, mekin li herdu hevjînên ku nû ji xew rabûne xistin, û di encama pevçûna di nav wan çêbûye de nikanîn tu tişt bidiziyana, û piştî gefdana wan bi kuştinê jî ew bi matoreke duloqî reviyan; Û ji ber lêxistineke bi destikê dabancê di serî de mêrik ji hiş ve çû, û bo nexweşxaneyeke Efrînê hate hawarekirin û ta niha li nav nivînan di mal de ye; Û ji bo behanekirina dijîkirinê, serkêşên “Firqê” hewildan tuhmetê bi endamekî ku bi “Şerîf” tê navdan (ê ku şênberên hişbirînê vedixwe) bizelqînin.
– Li 31.12.2023an. Z, çekdarina du betariyên taqeta elektirîkê û cerakî gazê û tiştine din ji mala Hemwelatî “Ehmed Misto” ji Gundê “Keferomê” – Navça Şera dizîn, li dema nelimalbûna endamên malê di serdaneke li nav gund de.
– Li şeva Înê 5.1.2024an. Z, şeş çekdarên rûpêçayî mala hemwelatiyê Kurd “Hemîd Mistefa /70/sal, hevjîna wî Fatmê Henan /68/sal, û keça wan Gulîstan/25/sal – a nexweş” li Gundê “Memala Rojhilat/şerqî” – Navça Reco basmîş kir, hersê bi kêndirê girêdan, zêrmêr (gustîlk, bazing, guhar) ji herdu jinan û amûreke xilyewî û tibabeke diravî (/900/Dolar ên temenmezin û /4500/ Dolar jî emanet li cem wî) dizîn, gencîna/xizêna textî a kincan bi ser mêrik de gêr kirin û bi çoyan li hersiyan xistin û reviyan, bi ser hebûna rêbendeke Milîseyên “Firqa Nehan/El’firqe El’tasî’e” bi sed mitrî dûr li çateriya gund, û jê ve nêzîk jî rêbendeke hevbeş e Milîseyên “Asayêşa Leşkerî û Firqê Nehan û Ehrar El’şerqiyê”; Û ji ber wê rewşa hersiyan ên tenduristî û derûnî pîs e/bed e.
– Li vê dawiyê, piştî ku Milîseyên “Firqit El’Sultan Silêman Şah – El’emşat” /10/hezar Dolar Emrîkî vêrgî li ser her guvêşgeheke zeytûna ku dikeve bin bandora çarçewa wan ferz kirin, û hemwelatî “Zekeriye Mihemed Reşîd /51/sal” ji xelkê Gundê “Qermîtliq” – Navça Şiyê û xwediyê guvêşgehekê da xuyakirin ku nikane bide, ji ber wê ji aliyê endamên “El’emşat” ve hate revandin û îşkencekirin, û hate neçarkirin ku bide.
Bi ser ku qutkirina darên zeytûnê ji tewanên ku rojane li Efrînê pêk tên, em li ser rûpel û di helwestên rikberiya Sûrî de -ji bilî hinekan- şermezarkirin û bangewaziyên seknandinê wê nabînin.
Nivîsgeha ragihandinê- Efrîn
Partiya Yekîtî ya Demokrat a Kurd li Sûriyê[1]