هەسەرۍ پا نیێنۍ پۊرە

دوۍ کەسۍ سەرو پارچە زەمینێ کېشە مەگنۊ بێنشا، پەی چارەو کېشەکەیشا، پەنا بەرا لاو مەڵڵای پەی شەرعکەردەیشان، وەختێ دنیا تاریکنۊرە، یۊشا دوۍ مەڼی ڕوەنی وېمانەش پەی بەرۊ، ماچۊ مامۊسا کوچێ هاگاڎاربە، ئەوی تەرشا دمای ئاڎی هەسەرێش پەی بەرۊ، ماچۊ مامۊسا کوچێ وریابە، سەوای کە گنا شەرعەو کېشەکەیشا، کابراو ڕوەنەکەی سەرنجە مڎۊ، مڎیۊ مامۊسا لاو ئەویشارە تاشۊش، ئاڎییچ دڵو وېشەنە ماچۊ ڕەنگە وەنەش فاڕیێبیمۍ، بەرەجیۊش ئاڎی ڕوەن پەی بەردەن، با بلوو وېرش وزوە، ملۊ پاڵوو مەڵڵای و ماچۊ:
مامۊسا ئانە چاکېت ڕووەنشا مجیان ملەرە؟ مەڵڵایچ مڎیۊرە پەی چاکەکاشو ماچۊ: نەوەڵڵا ئانە هەسەرۍ پا نیێنۍ پۊرە[1]