بنەچەو بەگزاڎەکا هۆرامانی
بەشۊ یەرەمۍ

میر جەلالەدین:
دمای کۊچی دمایینو باریە بەگی، (میر جەلالەدینی کوڕش) کریان بە حوکمڕانو هۆرامانی، نامبریا ساڵەو(447ک/ 1056ز) ئامان دنیاوە، هەر جە سەرەتاو فەرمانڕەوایەکەیشەنە هۆڵېش دێنۍ قەڵەمڕەو و دەسەڵاتەکەیش فراوان کەرۊن، بارەگاو حوکمڕانییەکەیش پۊشتە و نۊ کەردەنۆ، سەردەمو حوکومڕانی (میر جەلالەدین)ی، هۆرامان گەلێ یاگېش گېرتېنۆ، هەر جە(پاڵنگان) تا (دزڵی)یە و سەرپاکو دەگایەکانو هۆرامانو لهۊنی و جە دامانو(کەشو مڵەخورد) و (کەماجەڕ) تا مەیاوۊن بە (پاوە)، جە (کەڕاوا) و (ڕەزاو) تا مەیاوۊ (مەریوان)، چېرو فەرمانداری میر جەلالەدینینە بییەن، میر جەلالەدین ماوەو(99) نەوەڎ و نۊ ساڵا حوکومڕانیش کەردەن، ساڵەو698ک/1298ز) کۊچی دمایینش کەردەن.[1]