با بە هۆرامی دۊمۍ
سڵام و وەشەسیای پەی شمەی وەشەویسی ئازیزا پەی لوایم سەرو باس کەردەو بابەتەکا بە زوانو ئەڎایی پەی میدیاکا تاکو زوانما پاریزنمی، مدێ فرەن وینو چن وەشەسیایێ دلی کەناڵەکانە وەختێ ڕاپۆرتێ کریو سەرو هۆرامانی قسی چن کەسێ هورگیریو پېسە دوای، داوایێ برایانەتا وەنە کەرو با دواکاما بە هۆرامی دەیمی پەی میدیاکا چوون ئاخرۆ خودو پېخامکیانەکەی قسی ئا کەسا کە قسیشا کەردینە سەرو بابەتەکەی بە زوانو کەناڵەکەی فاڕوە پەی وینەرەکاش ئێ چ لازم کەرو منی هۆرامی زوانو ویم بەکار نارو ؟ ڕەنگا فرەیما ئانیما کەردیبوو بەهانی کە با یاوانە ئێ ئازیز گېیان وەختێنە پەیام یاونەر ویش ئانەی کەرو دلی ڕاپۆرتەکیشەنە کەواتە وینەر یاونە پی تەرزە هەم زوانما پاریزیو هەم وینەر زانو ئیگە هۆرامانا با ئیتر بەس ڕو جەهانی زوانو ئەڐایینە زوانەکەما ویر نەگنوە ئەر ڕوشنویرەکیما ئینەی کەرا هەم زوانما پاریزیو هەمیچ پاک بوە جە وشا بەرو هۆرامی هەم وەختێ مایک می وەردەمما ئا تەرسیچە مەمەنو کە عەیبما وەنە بێنە بەهۆرامیانە دۊمۍ و پاسەیچ بە وینەری کەرو کە بی فیرو زوانەکەی بوو هەر پیسە ئانەی ئیمەی هۆرامی فیرو سۆرانی و کرمانجی بینیمی هەر جە ڕاو ئینەیۆ کە ئاڎیچ بە زوانو ئەڎایی وېشا قسیشا کەردېنە دماتەریچ پېخامکیان مەجبورا تو قسیش پەی کەری نەک جەنابت مەجبور بی هەر پیسە دکتۆر مستەفا زادە ماچو بنویسمێ بە زوانی هۆرامی، بوانمێوە بە زوانی هۆرامی کە ئاڵاو قەڵەمی نەبڕیەینە باڵاو هیچ مێللەتێویەرە.
ڕێبوار هەورامی[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ 108 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!