نەبۊ خاڵانەو قەڎییمیا
بەشۍ یەکەمە
نەبۊ خاڵانەو قەڎییمیەکاما
نەنویستشا باس و پیراو گەنجاما
هەرێ نێ وەروو باری، دەش وەرگا واردەی
هەرێما بۍ هەروو چېشی ترێشقە، داڵهۆ وینێ دەس کەرۍ سەڕای دەگاش ئاردێبێ سەرو دەنگا، گجار تاتەم بەرێش پەی هېزما ڕوێ ئاماوە وېش کۊڵێ هېزمێش کۊڵێوە بێنێ واتم ئانە چی بە هەرەکەی ناردێتۆ؟
ماچۊ هیزی بارێم پەنە ئاردۆ ئا شۊتە ئەڎێم دانی ئاماوە لاو دەمیمەرە، هەری چانە هەن بارە گەڵاش کەری خشە مەکەرۊ، باڵدار باڵ مەشانۊ ئاڎ سڵەمۆنەو بیەبۆ دڵ دڵەکێ ئیمامی عەلی یان ڕەخشەکەو ڕۊستەمی موشتەریێبۆ ورەشوش.
سەوای ئامانێ، ماچۊ هەرەکەم ورەت تازە ئیسە دێرا نماراشۆ سەعبێ بېیەیدێ پەی ڕاگا گاوەی تاکو وەرەتاو کەوتەی نارۆشۆ ئتر نمارۆشۆ سەعبێ چېروو لێفەکەینە دیانی پەی ڕاگا گاوەی هەرەش ناردۆ موددەتێش پەنەشی تاتەم ماچۊ ملو پەی ئەحمەڎئاوای سەرێ زەڵمی مڎەو بەش چەمېوەم گنۆ حاجی غەفاری و قێخا ساڎقی، ۋېرەگا ئاماوە واتما دەنگو باس واتش گەرەکمبێ لادەو ئاساوەکەو قێخا ساڎقی مەرحەبایێش کەروو، دیانی میەو هەرەکەشا ئاردەن پەی ئاساوی و چا بەستەبېشاوە خەمم بۍ بڎۊشۆ ملمەرەو ئتر لام نەڎا.
هەزار ڕەحمەتێ جە قەبرەکێت تاتە.
عەفان دەرەمەڕی.[1]