بەناوی خودای بەخشندە و میهرەبان
ئەمڕۆ یادی پەنجا و شەش ساڵەی هەڵگیرساندنی شۆڕشی مەزنی ئەیلوولە، شۆڕشێک کە بڕوابەخۆبوون و ئیرادەی لە ناخی هەموو تاکێکی کوردستانیدا دروست کرد. ئەمساڵ یادی شۆڕشی ئەیلوول لە کاتێکدایە کە تەنها دوو هەفتەمان ماوە تا گەلەکەمان بڕیاری خۆی بۆ سەربەستی و ئازادی بە هەموو جیهان ڕابگەیەنێت و موژدە بداتە شۆڕشی ئەیلوول و هەموو شۆڕش و بەرخودانەکانی دیکەی گەکەمان و بەرهەمی ئەو هەموو قوربانیدان و خۆڕاگرییەی بچنێتەوە. گەلی کوردستان شۆڕشی بەڵێ بۆ سەربەخۆیی هەڵگیرساندووە و لە 25ی ئەیلوول، مێژوویەکی نوێ تۆمار دەکات.
شۆڕشی ئەیلوول و هەموو شۆڕش و بەرخودانەکانی دیکەی گەلەکەمان تەنها بۆ ئازادی و سەربەخۆیی بوونە، نابێ خوێنی بەناهەقڕژاوی ڕۆڵەکانی گەلەکەمان بێ ئەنجام بێت. دەبێ جیهان گوێی لە دەنگی ئازادیخوازانەی کوردستان بێت، دەبێ هاواری 182 هەزار ئەنفالکراوی کوردستان لە ناوەندەکانی بڕیاری جیهاندا ببیسترێت، دەبێ گوێ لە ناڵەی 5 هەزار شەهید و دەیان هەزار برینداری هەڵەبجە بگرن، دەبێ جیهان گوێی لە هاواری 8 هەزار بارزانیی ئەنفالکراو و 12 هەزار گەنجی بێسەروشوێنی کوردی فەیلی بێت، دەنگی شەهیدان و کەسوکاریان، دەبێتە بەڵێ بۆ سەربەخۆیی و لە 25ی ئەیلوولدا لە دەرگای ویژدانی هەموو جیهان دەدات.
لە یادی شۆڕشی مەزنی ئەیلوولدا سڵاو بۆ گیانی پاکی هەموو شەهیدانی ڕێگەی ئازادیی گەلەکەمان دەنێرین، سڵاو لە پێشمەرگە قارەمانەکانی کوردستان. سڵاو لە گەلی خۆڕاگری کوردستان. [1]
#مەسعود بارزانی#
10-09-2017
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 5,798 جار هاتیە دیتن
ڕایا خو دەربارەی ڤی بابەی بنڤێسە!