کورد دلۍ چەرخەکا تاریخینە
بەشۍ: دوەسەڎ و دوەمە
نویستەی: #هاوڕێ باخەوان#
ساڵەو (1882ز): چن تۊمارێ پېوەس پی ساڵېوە ئینێ وەردەسەنە:
* شاهۆی شاعېر، مەلا حەسەنو قازی ئەچی ساڵېنە، دلۍ شارەکڵەو بېیارۍ ئامان دنیا.
* شېخ مەحمووڎی بەرزنجی ئەچی ساڵېنە ئامان دنیا.
* فەتحی شاعېر ئەچی ساڵېنە دلۍ شارەکڵەو کفری کۊچی دمایینش کەردەن، نامېش مەلا عەبدولڕەحمان بییەن.
* مەلەوی شاعېر ئەچی ساڵېنە، دلۍ دەگاو سەرشاتەی جە تەمەنو (67) ساڵینە کۊچی دمایینش کەردەن.
* خدر ئەحمەد دزەیی، ئەچی ساڵېنە ئامان دنیا.
* کۆشکی شاعېر، کە نامېش مەلا شاوەیسەن، ئەچی ساڵېنە کۊچی دمایینش کەردەن.
* بازاری گۆرەو شارو بەدلیسی ئەچی ساڵېنە گڕشگېرتەن و سۊتەن، گەلێ دووکانۍ ئەرمەنییەکاش چەنەبیېنۍ، تورکەکۍ تۊمەتو سۊچناکەیشان وستەن پاڵو کوردەکا، واتەنشا شېخ عوبەیدوڵڵای هانی دێنۍ.
* مانگەو (8) ئی ساڵېنە، شېخ عوبەیدوڵڵای شەمزینی بە پاساپۆرتێ ساختۆ لوان پەی یەریڤانی و دمایی گېڵانۆ پەی ناوچەو هەکاری. هەر ئەچی مانگېنە میر نیزام بانگەوازش کەردەن، ئا کەسە لابڎۊ لاو شېخ عوبەیدوڵڵای فرە بە تڼی سزا دریۊن.[1]