کورد دلۍ چەرخەکا تاریخینە
بەشۍ: دوەسەڎ و هەشتا و چوارەمە
نویستەی: #هاوڕێ باخەوان#
ساڵەو (1920ز.):
* ئەچی ساڵېنە، یەکەم ژمارەو ڕۊنامەو (پێشکەوتن) جە شارو سلېمانی بەرشېیەن، ئی ڕۊنامە یەکەمین ڕۊنامەن کە دلۍ شارو سلېمانینە بەرشېیەبۊ.
* مارتن ڤان برۆنسۆن، ئەچی ساڵېنە ژمارەو خانەواڎەکا خېڵو شوکاکی بە (2000) منیۊرە.
* ئەچی ساڵېنە. شاعېر و هۊرگېڵن هەژار موکریانی جە شارو مەهابادی ئامان دنیا.
* ئەچی ساڵېنە، کتېبو (ئەنجوومەنو ئەدیبانو کورڎی) دلۍ چاپخانەو ترجمان حقیقت جە ئەستەمبوڵ بەرشېیەن.
* ئەچی ساڵېنە، ئەنجومەنو کیانیایا تورکیای(ژیرللاو مەرۍ)، قەرارش دا کە گرڎو ئا یاگا هەکە فرەو نیشتەجایەکاشا عەرەبېنۍ، دەسشان چەنە هۊرگېران و وېشان مافو وېچارەیی دیاری بکەران، بەڵام نامۍ کوردەسانی و کورڎی ناما.
* ئەچی ساڵېنە، موزیکژەن (کاسەر خاب) کۊچی دمایینش کەرڎەن.
* ئەچی ساڵېنە، عەلی شێر بی بە ئەندامو کۊمەڵەو بەرزی کوردەسانی جە شارو ئەستەمبوڵی.
* ئەچی ساڵېنە، یەکەم چاپو (مەم و زین) ئەحمەدی خانی بە زوانی کورڎی و پیتی عەرەبی جە شارو ئەستەمبوڵی وەڵاکریاوە، دماتەر داگیرکاری تورکی گرڎش جەمۍ کەرڎې و سۊچنێش.
* ئەچی ساڵېنە، هۊرگیسیای شۆڕشێ دژو ئینگلیزەکا جە ناوچەو هۆلېری، بە سەرداری حاجی پیرداود دزەیی، بەڵام مەلا ئەفەندی هۆلېری، پاڵشدا بە ئینگلیزەکاوە.[1]