وەرگێڕ: بەهجەت جەمیل حامد
ساڵی دەرچوون: 2016
خەڵکی چەند خۆیان بە تێر و تەواو و بێ کێشە بزانن هێشتا هەر کەموکورتییان تێدایە، واتە خود (ذات)ی هەریەکەیان پێویستی بە خستنەسەر و چاکسازی تێداکردن دەبێت، مانای وایە: پەرەپێدانی کەسی پێویستە تەنانەت لەو کاتانەشدا بەردەوام بێت و نەوەستێت کە کار و چالاکییە ماددی و پیشەسازییەکان تووشی قەیران هاتوون.
خراپترین و مەترسیدارترین جۆرەکانی نەزانی: نەزانی و بێئاگایی مرۆڤە لە خودی خۆی؛ چونکە سەری لێ دەشێوێنێت و بە هەڵەدا دەیبات و، پەیوەندی و مامەڵەی لەگەڵ خەڵک و خوادا تێک دەدات و، دەبێتە مایەی لەکیسچوونی ئەو دەرفەتانەی کە بۆی هەڵ دەکەون و، بێئاگابوون لەو مەترسییانەی کە هەڕەشەن لەسەر بوون و ژیانی.
هەوڵ دەدەم لەم پەرتووکەدا تیشکگەلێک بخەمە سەر چەندین باس و بابەتی پەیوەندیدار بە خۆدۆزینەوە و خودناسییەوە، هەروەها ژمارەیەک ڕابەر و ڕێنوێنیکەر دەخەمە پێش چاو، تاوەکو موسوڵمان بە ئاگابێننەوە و بەرەو ئاسۆیەکی ڕوون و پڕشنگداری بەرن و پەرە بە کەسایەتییەکەی بدەن...[1]