شارەک و گندۆرەيەکيان نەگۆتيە
شار واتە ژمارەی دانيشتوانی زۆر و گەڕەک و تاخ و خانوبەرە و خێزانی زۆر، گندۆرەش واتە تەنها(کاڵەک)ێک، کورد بۆ کەمی شت و مەک و کاڵا و خۆراک زۆر ئيديۆمی هەيە وەک(کێشکەی بەچل و چواران)يان(پێچک چارە بە ئەژمارە) واتە شتی کەم بەشی ژمارەی زۆر ناکات، ئينجا له و ئيديۆمەی(شارەک وگندۆرەکيان نەگۆتيە) واتە يەک تاقە شت بۆ هەموو شار نابێت ئينجا جاری واهەيە مەبەست لێی تاکە کەسێک و شارێکيان نەگۆتيە، کاتێک پياوێک دژايەتی خێزانێک يان خانەواودەيەک يان هۆزێکی گەورە يان شارێکی بيست بۆ سی گەڕەکی دەکات پێی دەوترێت بابە دانيشە(گندۆرەيەک وشارەکيان نەگۆتيە) واتە دەرەقەتی ئه و هەموو خەڵکەی نايەيت و لەجێگەی خۆت دابنيشيت چاکترە.