ڕەفیقێ وێنەگر یێ بەرنیاس ب چاڤێ سلێمانی ناڤێ وی یێ تمامی (ڕەفیق مەحمود محەمەد)ە، ساڵا 1932 لە تاخا گۆیژە یا باژێڕێ #سلێمانی# ژدایک بوویە و دناڤا ماڵباتەکە خوەندەوار و نیشتمان پەروەردا هاتیە پەروەردە کرن. هەر ل زاروکیێدە ب سەبەبا مەحموود ئەفەندیێ ڕەسام (وێنەگر) ێ بابێ خوە، ب کامێرا و فۆتۆی ڕە ئاشنا بووە، چونکی بابێ وی ب ئێک ژ فۆتۆگرافەرێن پێشەنگ و دێرین یێن باژێڕێ سلێمانی دهێت ئەژمار کرن، پشتی جەنگێ ئێکەمێ جیهانی، ئەو بخوە و کامێرایێ ڤە دناڤ سوپایێ عوسمانی ژبو باژێڕێ سلێمانی ڤەگەڕیا و کارێ فۆتۆگرافەریێ کرە حەز و چاڤکانیا داهاتێ ژیانا خوە، ژبەر ڤێ چەنێش ئەڤ پیشەیە لدەف ڕەفیقێ کوڕ وی ژی دێ گرنگ دیت و درێژە بڤی کارەی ددەت.=KTML_Photo_Begin=https://www.kurdipedia.org/files/relatedfiles/2020/387670/0002.JPG=KTML_Photo_Alt=رەفیقی وێنەگر-چاوی سلێمانی=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/387670/0002.JPG=KTML_Photo_End=
ژبەر کوو#محەمەد قودسی#ێ برایێ وی دگەل سێ ئەفسەرێن دندا پشکداریا کۆمارا کوردستانێ ل #مەهاباد#ێ دکەن و پشتی نەمانا کومارێ ڤەدگەڕێن ژبو ئیراقێ، ل #19-06-1947# ژ ئالێ ڕژێما پاشایەتی یا وی سەردەمێ ئیراقێ دهێنە ل سێدارە دان و پشتڕە ماڵباتا وی دهێنە نەفی کرن ژبو باژێڕێن #هەڤلێر# و #کۆیە# و #ڕواندز#، ئیدی ڕەفیقی دەرفەتا خوەندنێ لدەست دەچیت و خوە ژبو کارێ فۆتۆگرافەریێ تەرخان دکەت.
ڕەفیقێ وێنەگر، ساڵا 1954 ل باژێڕێ سلێمانی و ل نزیک #بەردەرکێ سەرا# ستۆدیۆیەک بناڤێ خوە دانا و بکارێ فۆتۆگرافیێ مژویل دبیت، ئەرشیڤا وێنەیی یا بابێ خوە دەولەمەندتر دکەت.
ساڵا 1962 پەیوەندی ب شوڕەشا ئەیلولێ دکەت و دبیتە پێشمەرگە، ل ژیانا پێشمەرگایەتیێش تەکەزا خوە دێخیتە سەر هونەرا وێنەگرتنێ و چەندین وێنە و ڤیدیۆیێن جوان و نەدیتی یێن دەڤەرێن ئازاد کرای بدەستێ شوڕەشێ دگریت.
پشتی پێشمەرگایەتیێ و ڤەگەڕیان بو ناڤ سلێمانی لسەر کارێ خوە دێ بەردەوام بیت و زورییا ژیێ خوە بڤی کارەی دبەخشیت.
ڕەفیقێ وێنەگر نێزی نیڤ ملیون وێنەیێن جودا ل سەرانسەری کوردستانێ هەنە و نێزی 34 هەزار جام وێنە هەنە کو هەیا نها نەهاتینە شوشتن.[1]
ڕوژا #08-09-2020# ل سلێمانیێ وەغەرا داویێ کر.