کورد دلۍ چەرخەکا تاریخینە
بەشۍ: دوەسەڎ و پەنجا و پەنجەمە
نویستەی: #هاوڕێ باخەوان#
ساڵەو (1914ز.):
* مانگەو (02) ئی ساڵېنە، هېزێ سەربازی ڕووسی لوان پەی شارو شنۆی.
* سەرەتاو مانگەو (03) ئی ساڵېنە، مەلا سەلیم بە دەسو تورکەکا گېریان، نامبریا گۆرەتەرین پیای نامڎارو بەدلیسی بییەن.
* مانگەو (03) ئی ساڵېنە، خانی ماکین چەنی سازۆنۆڤی شالیارو هەرمان و کارو بەرو ڕووسیای کۊبېیەنۆ، چا جەمېنە پېخامێش دا بە ڕووسەکا کە کورد و ئەرمەن ئاماڎېنۍ بلانە چېرو ئاڵاو ڕووسی و گەر ڕووسەکۍ پەنەوازیشان بۊ ئانە دژو تورکی سەرهۊردای بکەران.
* مانگەو (03) ئی ساڵېنە، سەرهۊردای و خېزیای شېخ عەبدولسەلامی بارزانی دژو تورکەکا.
* مانگەو (03) ئی ساڵېنە، عەبدولڕەزاق بەدرخان لوان پەی مۆسکۆی، پەی گفت و گۊی دەربارەو گرفتو کوردی چەنی ڕووسەکا.
* تاریخو (#01-03-1914#ز.) تورکیا سەرئەژماریێ کوردیش وەڵاکەردەنۆ، بەپاو ئانەی کورد دلۍ ناوچەکانو وان، بەدلیس، خەرپووت، دیاربەکر و ئەرزەڕۆم، ژمارەشان (2527840)کەسېنۍ.
* تاریخو (#04-04-1914#ز.) کۊمیتەو ئیتیحاد و تەرەقی تورکی کۊبییۆ دەربارەو گرفتو کوردی تاکو سەرهۊردایەکاشا سەرکوت بکەران.
* مانگەو (06) ئی ساڵېنە، یوسف کەمال بەدرخان چەنی کیانیاو باڵیوزخانەو ڕووسی جە ئەستەمبوڵ نیشتەرە، هەواڵو ئانەیشە یاونا پەنە هەکە مەڵامەتو سەرنەکۆتەی سەرهۊرداکەو بەدلیسی ئانە بېیەن کە مەلا سەلیم بە مانگێ وەڵۍ وەختی دیاریکریاینە تەقنانشۆ.
* کۊتاو مانگەو (06) ئی ساڵېنە، کۊبېیەیۆ شېخ عەبدولعەزیزی و شېخ عەبدولحەمیدو خېڵو حەیدەرانلی چەنی یاوەرو قونسوڵو ڕووسی (ئەدامۆڤ) جە ئەرزەڕووم، تاکو بزانان ئایا ڕووسیا یاردی سەرهۊردێوە کوردی مڎۊن.[1]