مەریوان نەقشبەندی، بەڕێوەبەری ڕاگەیاندنی وەزارەتی ئەوقاف و کاروباری ئاینی حکومەتی هەرێمی کوردستان، کوژرانی گەنجێکی دیکەی شاری هەولێری لە سوریا، ڕاگەیاند.
ئاشکراشیدەکات، بە کوژرانی ئه و گەنجە، ژمارەی گەنجە کوژراوەکانی هەرێمی کوردستان له و وڵاتە گەیشتە 33 کەس.
مەریوان نەقشبەندی، لە ئەکاونتی تایبەتی خۆی لە تۆڕی کۆمەڵایەتی فەیسبوک، دەشنووسێت :"بەداخەوە گەنجانی وڵاتەکەمان بەم شێوەیە دەبنە قوربانی ململانێ تائیفی و سیاسیەکان کە هیچ پەیوەندیەکی بەنەتەوەی کوردەوە نیە.
تەئکید و دوبارەشی دەکاتەوە کە :"بەشی هەرەزۆری ئه و گەنجانە قوربانین و تاوانباری سەرەکی ئەوانەن کەهانیان دەدەن بۆ ئەم ڕێگایە.
پێشتر، مەریوان نەقشبەندی لە لێدوانێکیدا بە خەندان_ی ڕاگەیاند :" داوا لە حکومەتی هەرێم دەکەم لێبوردنی‌گشتی بۆ ئه و گەنجانە دەربکات کە ڕوویانکردووەتە سوریا بە مەبەستی شەڕکردن، چونکە زۆربەیان پەشیمانن لە ڕۆشتنیان".
- 11-04-2014