کورد دلۍ چەرخەکا تاریخینە
بەشۍ: دواڼزەهەمە
نویستەی: #هاوڕێ باخەوان#
ساڵەکانو (1978-- 1700) وەڵۍ زایینی
ئېستەیۆ گلېنێ (گۊزێ هەڕینۍ) کە تاریخەکەش مەگېڵۊوە پەی ساڵەو (1978 و.ز) ، کە سەردەمو پاشایی (شو-- سین) ی سۆمەری شارو ئوری، واچۍ (کارداکای) ش سەرۆ نویسیێنە.
ساڵەکانو (1977- 1956) وەڵۍ زایینی سەردەمو فەرمانداری (ئامی_ زادوشا) ی پاشاو بابلییەکا بېیەن، ئی پاشا ڕېککۆتەنامێوەش چەنی ئیلامییەکا بەست پەی ئانەی وەربەس پەی پەلامارەو(کاشییەکا) بنیارە.
ساڵەو (1760) وەڵۍ زایینی کاشییەکۍ دەسشان گېرت ملو وەڵاتو بابلیەکارە و سیستەمو پاشانشینی کاردۆنیایشان مەرزنارە کە پەی ماوەو چوار سەدا دەسەڵاتشان درېژەش کېشان.
ساڵەو (1741) وەڵۍ زایینی سامسوئیلۆن، چەنی کاشییەکا لوانە دلۍ جەنگی. هەر ئەچی ساڵېوە تاکو ساڵەو (1726) ماوەو فەرمانڕەوایی پاشاو کاشییەکا (گانداش) ی بېیەن.
ساڵەو (1725-- 1704) وەڵۍ زایینی ماوەو فەرمانڕەوایی پاشاو کاشی (ئاگومی گۆرە) ی بېیەن.
ساڵەو (1710) وەڵۍ زایینی (ئی--گامیل) پەلامارەو ئیلامییەکاش دا، بەڵام دماتەر مەڕیاو گېڵاوە.
ساڵەکانو (1704-- 683) وەڵۍ زایینی فەترەو فەرمانڕەوایی پاشاو کاشییەکا (کاشتیلیاشی یەکەم) ی بېیەن.
ساڵەو (1700) وەڵۍ زایینی پاشاو کاشییەکا (ئاگوم کاک ڕیم) بی بە فەرمانڕەوا.[1]