کورد دلۍ چەرخەکا تاریخینە
بەشۍ: سەڎ و چوارەمە
نویستەی: #هاوڕێ باخەوان#

ساڵەو (1689ز): ئەچی ساڵېنە (شەریف خانو هەکاری) شاعېر ئامان دنیاوە.
ساڵەو (1690ز): لەشکەرو بابانی ئەچی ساڵېنە هېرشش کەردەن پەی سەرو کەرکوکی و کوشېیای دلاوەر پاشا فەرمانڕەواو کەرکوکی و تاڵانکەردەی سوپاکېش.
ساڵەو (1694ز): بەشێ جە ناوچەکانو میرنشینو ئەردەڵانی بە دەسو سوپاو بابانەکا داگیر کریان.
ساڵەو (1695ز): ئەچی ساڵېنە میر ئۆغوز بەگی گۆرە، کوڕو عەلی بەگ میرو سۆرانی، کۊچی دمایینش کەردەن. هەر ئەچی ساڵېنە ئەحمەڎی خانی داستانو (مەم و زین)یش نویستەن.
سالەو (1698ز): هېزەکۍ تورکی کە هامپێمانۍ سڵێمان بەگی بیېنۍ مەڕیێنۍ و ناچارکریێنۍ کوردەسانی جیابازان و پەنا بەران پەی ئەستەمبووڵی. هەر ئەچی ساڵېنە تەیمورخان بەگ، فەرمانڕەوایی میرنشینو بابانیش دەس گېرتەن.
ساڵەو (1699): عوسمانییەکۍ ئەچی ساڵېنە هېرششان کەردەن سەرو میرنشینو بابانی. هەر ئەچی ساڵېنە بارام پاشای گۆرە ئامان دنیاوە.[1]