کورد دلۍ چەرخەکا تاریخینە
بەشۍ: سەڎ و حەڤڎەهەمە
نویستەی: #هاوڕێ باخەوان#

ساڵەو (1782): تورکەکۍ ئەچی ساڵېنە بنە لەشکەرێ (45000) چل و پەنج هەزار کەسیۆ هېرششان کەردەن سەرو هۊزو (بانۆک)ی جە سەرنیشتەنە، ئجەنگێ قۊمیانو هەشت ڕۋېش خواینان، تورکەکۍ سەرکۆتێوە فرە خاسشان بە دەس نارد. هەر ئەچی ساڵېنە نەجەف قوڵی خان شاباز خانو والی تەورېزی کۊچی دمایینش کەردەن، نامبریا هۊنیارن و نویسەریچ بېیەن. هەر ئەچی ساڵېنە ڕەزا قولیخان کوشېیان.
ساڵەو (1783ز): ئەچی ساڵېنە چن قومیێ و تەقەیۊرۍ ڕوەشان دێنە:
ئیبراهیم پاشاو بابانی بە فەرمانو سڵێمان پاشای کریان بە فەرمانڕەواو مەڵکەندی.
ئیبراهیم پاشاو بابانی، بنیاڎنەرو شارو سلێمانی بېیەن بە میرو بابانی، ئی میرە هەر دوە حەسەن خان بگ و حوسێن خان بەگش گېرتۍ و بە دیلی کېیاستېش پەی بەغڎای، سەرەتا ئاوارۍ حللەی کریێ و دماتەر دریێ قەنارە، ئا دوە میرە سەر بە بنەیانەکەو وېش بېنۍ.
مەحموڎ پاڎشاو بابانی کوشېیان.
شېخ عەبدول موئمین خەتیبو مزگی سنەی، کۊڵەپەشتەکۍ (کەشکۆڵەک) وېش مەنویسۊ، کە گلېرۆکەردەی هۊنیا وچن هۊنیەرێ کوردینی.[1]