کورد دلۍ چەرخەکا تاریخینە
بەشۍ: سەڎ و ۋیس و نۊهەمە
نویستەی: #هاوڕێ باخەوان#

ساڵەو (1805ز): ئەچی ساڵېنە چڼین قۊمیێ ڕوەشان دێنە:
* یەکەمین جەنگو ئۆڕەحمان پاڎشاو بابانی دژو والی عوسمانی دلۍ دەربەڼو بازیانی.
* موحەمەڎ عەلی پاڎشاو میسری ئەچی ساڵېنە ئامان دنیا، پېسە چن سەرچەمێ ماچان بە ڕەگەز کوردەن.
* سالمی شاعېر ئەچی ساڵېنە ئامان دنیا.
* تەیمورخان چەنی سڵێمان پاڎشاو بابانی ڕېککۆتەن، پەی ئانەی مسەفا بەگ میرو سۆرانی جە میری ۋزان، پەی ئا نیەتەیچە هېزێ هامبەشو بابانی و تەیمورخانی هېرششان کەردەن سەرو سۆرانی و مسەفا بەگ ڕەمان، برێکۍ مسەفا پاڎشای هیچ یاردیێشان نەڎان و پەشتگیریشان نەکەردەن و نامێنۍ دەمشۆ.
* عەلی پاڎشا والی بەغڎای لەشکەرێ فرەش جە میرانو سۆرانی و بابانی وەشکەرد و کیاستش سەرو ئامێدی، بەڵام ڕانە دلۍ وېشانە تېکۍ شیۍ و هېرشەکە سەرش نەگېرت.
* تاریخو مانگەو (10) ئی ساڵېنە ڕېککۊتێ میانو مسەفا بەگ میرو سۆرانی و سڵێمان پاڎشاو بابانی بەسیان، پی شېوە مسەفا بەگ پەی ساڵانێ بە ئاسوودەیی میرایەتیش کەردەن.[1]