کورد دلۍ چەرخەکا تاریخینە
بەشۍ: دوەسەڎ و شەسس و ششەمە
نویستەی: #هاوڕێ باخەوان#
ساڵەو(1917ز.):
*تاریخو(#09-02-1917#ز.) کامیل بەدرخان چەنی ڕووسەکا لوانە گفت و گۊ، پەی ئانەی ناوچەو بۆتانی بگنۊ چېرو سایەو ڕووسیای و نەوەکا بەدرخانی.
* مانگەو(04) ئی ساڵېنە، شېخ عەبدوڵڵا جە کەشەکا موسڵی شۆڕشش هۊرخېزنا.
* مانگەو(04) ئی ساڵېنە، جە ناوچەکانو (کرند و ماهی دەشتی) جەنگێ میانو (کوردی و ڕووسی)نە قۊمیا.
* مانگەو(05) ئی ساڵېنە، شېخ عەبدولقادر و سەی موحەمەڎ جە تورکیاوە ڕەمێ پەی مەککەی.
* مانگەو(06) ئی ساڵېنە، وەریۊکۆتەی کوردەکا و ڕووسەکا دلۍ ناوچەکانو خانەقینی و قەسری شیرینینە.
* مانگەو(06) ئی ساڵېنە، ڕووسەکۍ زاخارچفکۆشان کیاست پەی ناوچەکانو پانیشتو وەرکۆتو کوردەسانی، تاکو پېوەڼی میانو ڕووسی و کوردی پتەو بکەران.
* تاریخو(#13-07-1917#ز.)، بە هۆڵۍ ڕووسەکا، دلۍ شارو کرماشانی، یام دلۍ دەگاو بینداری، یەکەمین کۊنیشتی تاریخی جە وەرکۆتو کوردەسانی گېریا، یەرۍ ڕۋېش خواینا، سەردارە کوردەکۍ بەشداریشان چەنەکەرد، کیانیێکۍ ڕووسی و ئینگلیزی و ئێرانیچ بەشدارۍ بېنۍ چەنەش.
* تاریخو(#04-09-1917#ز.)، بەستەی کۆنفرانسو(27) سەرادارا کوردی جە شارو سنەی، کە زاخارچڤکۆ و باراتۆڤی ڕووسی بەشداریشان چەنەکەرد و ڕووسەکۍ قۆلو یاردیدای کوردیشان دا.
* مانگەو(10)ئی ساڵېنە، تاریخنویسو کوردی موحەمەد ئەمین زەکی بەگ خەڵاتو دۆڵەتو نەمسایش وەرگېرت.
* مانگەو(12)ئی ساڵېنە، ئینگلیزەکۍ شارو خانەقینیشان داگیرکەرد.
* تاریخو(#15-12-1917#ز.) ڕژېمو شورەوی تازەی، بەیانێش وەڵاکەردۆ، دلېشەنە گردو ئا پێماڼامە پەنهانی و ئاشکرێشە هۊروەشنێوە کە ڕژېمو سزاری سەبارەت بە تورکیا و ئێرانی بەستېبېنېش.[1]