ساڵی 1885، لە شارۆچکەی #ڕواندز# هاتۆتە دنیاوە. مەعروف جیاوک لە ڕووداوە سیاسییەکانی نیوەی یەکەمی سەدەی ڕابردووی کوردستاندا وەک ڕۆشنبیرو تێکۆشەرێکی گەورەی کورد ناوێکی دیارە. لە یانەی (سەرکەوتن) دا ڕۆڵی بەرچاوی گێڕاوەو وەک شەخسییەتێکی خاوەن ئەزموونیش بە ئەندامی پارلەمانی ئێراق هەڵیژێردراوەو چەندین هەڵویستی جوامێرانەی لە دانیشتنەکانی پەڕڵەمان دا نواندووە. لە حیزبی هیوا و حیزبی سەربەخۆیی کوردستان (1922-1926) دا ڕۆڵی بەرچاوی هەبووە. لە بواری نووسین و لێکۆڵینەوەش دا چوار پەرتووکی ناوازەی پێشکەشی پەرتووکخانەی کوردی کردووە. جیاوک-ی نووسەر و نیشتمانپەروەر و تێکۆشەر، ڕۆژی #21-1-1958#، لە تەمەنی 73 ساڵیدا لە شاری بەغدا لە کۆچی دوای کردووە.[1]