ناڤ: ساڵح
ناسناڤ: قەفتان
جهێ ژدایکبوونێ: #سلێمانێ#
ساڵا ژدایکبوونێ: 1885
روژا وەغەرا داویێ: #30-08-1986#
$ژیاننامە$
ساڵا 1885 ل باژێڕێ سلێمانی ژدایک بوویە و هەر لڤی باژێڕەی خوەندنا خوە یا دەستپێکی ل قوتابخانەیا ڕوشدییە یا عەسکەری تمام کرییە و پشتڕە ژبوو خوەندنا قوناغا ئامادەییا سەربازیی بەرەف بەغدایێ چوویە و ژبو خوەندنا زانینگەهێ، چوویە کۆلێجا سەربازیا سوڵتانی ل #ئیستانبوڵ#ا باکوورێ کوردستانێ و باوەڕناما سەربازی بدەست خوەڤە ئیناندییە.
ل سوپایێ عوسمانی دە بوویە ئەفسەر و پشتڕە و ل سەردەمێ پێکهاتنا حکومەتا #شێخ مەحمود#ێ نەمر دا ماموستایێ وانەیێن جوگرافیا و مێژوویێ بوویە ل قوتابخانەیا مەحمودییە و لدیف ڕە بوویە ڕێڤەبەرێ قوتابخانەیا فەیسەڵییە و پشتڕە بوویە ڕێڤەبەری ناڤەندا سلێمانی و هەتا ساڵا (1935) لسەر هەڵوێستێن کوردایەتیێ هاتییە خانەنشین کرن.
ساڵح قەفتان ئێک ل ئەندامێن دەستەیا دامەزرێنەرێن ڕوژنامەیا #بانگی کوردستان# بوویە و هەروەسا ساڵا (1937) ێش ڕوژنامەیا #زبان#-ی ل باژێڕێ سلێمانی دامەزراندییە. لدیف وێ و ل ساڵا (1938)ێ دە گوڤارا زانستی ل سلێمانیێ چاپ و بەڵاڤ کرییە و ژ ئالەکێ دنڤە ساڵح قەفتان ل گوڤارا گەلاوێژ و ڕوژنامەیا ژیان و ڕوژنامەیا ڕووناکی و بەڵاڤوکێن دن یێن باژێڕێ سلێمانیێ ل وی سەردەمەی دە گەلەک نڤیسین و گوتار نڤیسینە و بەڵاڤ کرینە.
ساڵح قەفتان گرنگییەکە تایبەتی ب نڤیسین و ڤەکوڵین و بدیڤ دا چونێن دیروکی دایە و ئێکەک ل دیروک نڤیسێن مەزنێ کوردان بوویە. لدیف خوە چار پەرتووکێن دیروکی یێن بنرخ ژبو پەرتوکخانەیا کوردی بجێ هێشتینە کو بریتینە ل:
1- پەندی تەئریخی.
2- بەراوردێکی تەئریخی و ئەهەمیەتی زمان
3- نەتەوەی کورد تورکمان نیە
4- مێژووی گەلی کورد لە کۆنەوە تا ئەمڕۆ.
ب مخابنیڤە ڕوژا (30) ێ ئاب یا ساڵا 1968 دیروک نڤیس و ڕووناکبیرێ بەرنیاسێ کورد ماموستا ساڵح قەفتان، ل ژیێ (83) ساڵیێ دە وەغەرا داویێ کر. [1]