وشکبوونی قژ لە وەرزی زستاندا گرفتێکی باوی خانمانە، ئەم گرفتە لەو کەسانەدا زیاترە کە خۆیان بە سرووشتیی قژیان وشکە، وادەکات قژیان بژ و زبر بێت، بۆ چارەسەری ئەم گرفتە دەتوانیت ئەم ڕێگە چارەسەرانە بەکاربهێنیت.

=KTML_Bold=1. ئەڤۆکادۆ=KTML_End=
یەکێکە لە جۆرەکانی میوە و سوودی هەیە بۆ وشکیی قژ و ئەو خانمانەی قژیان لولە، دەتوانن چوار کەوچک ئەڤۆکادۆ و یەک کەوچک زەیتی گوێزی هندی تێکەڵ بکەن، بیدەن لە قژیان بۆماوەی 20 بۆ 30 خولەک، دواتر بە شامپۆ بیشۆن.
=KTML_Bold=2. هێلکە=KTML_End=
قژ نەرم دەکات و وەکوو ئاوریشمی لێدەکات، هێلکە و هەندێک زەیتی زەیتون تێکەڵ بکە و بیدە لە قژت، بۆ ماوەی 30 خولەک و دواتر بیشۆ.
=KTML_Bold=3. دووربکەوەرەوە لە وشککردنەوەی=KTML_End=
وشککردنەوەی قژ بە ئامێری وشککردنەوەی قژ زیانی هەیە، باشترە ڕێگە بدەیت قژت خۆی بە هەوای سرووشتی وشکبێتەوە.
=KTML_Bold=4. ماسکی هەنگوین و مۆز بەکاربهێنە=KTML_End=
تێکەڵکردنی هەنگوین و مۆز بۆ قژ بەسوودە، دەتوانیت بۆ ماوەی 15 خولەک بیدەیت لە قژت، هەروەها هەفتەی جارێک دووبارەی بکەرەوە.
=KTML_Bold=5. وریای شانەکردن بە=KTML_End=
شانەکردنی قژ پێویستە لە کۆتایی قژ بۆ سەرەوە بێت، هەروەها دڵنیا بەرەوە لەوەی کاتێک قژت وشکە داینەهێنیت. [1]